Curcevdan

Wikipedia — ирекле энциклопедия проектыннан
(Đurđevdan битеннән юнәлтелде)
Моңа күчү: навигация, эзләү

Đurđevdan, Djurdjevdan (Serbça:: Ђурђевдан) ul Serb dini bäyräme, Julian kalendare buyınça 23. Äprildä, ä bez qullana torğan Gregorian kalendare buyınça 6. Mayda bäyräm itelä. Đurđevdan ul Đorđe köne, İzge Georgi köne digän süz. Ortodoks Xristinalığında İzge Georgine ayıruça olılílar. Xristian mífologiä buyınça ul iman öçen ülgän, ä ikonalarda bu izge ajdahanı üterüçe sıbay keşe bulıp sürätlänä. Đurđevdan Balkannarda yaz başı belän bäylilär. Đurđevdan'nı barlıq Serblar bäyräm itälär, ayıruça Serbiä, Montenegro häm Republika Srpska'da. Serbça İzge Georgi Sveti Đorđi bula (Kirillçä: Свети Ђорђе).

Đurđevi Stupovi, İzge Georgigä bağışlanğan çirkäw, Serbiädäge borınğı Ras şähärendä. 12. yözdä Serb patşası Stefan Nemanja tarafınnan tözelgän.

Möselmannarda[үзгәртү]

Đurđevdan'nı Xristiannar genä tügel, Möselmannar da bäyräm itälär: Kosovo tönyağındağı Gora töbägennän anı Gorani xalqı bäyräm itälär. Gorani ul Möslim Slavän xalqı, Könçığış Xristianlığınnan İslamğa 18. yözdä küçkännär, läkin berniçä yolalarnı saqla alğannar. Gorani bäyräm mäydanı Globočica awılın yanında urnaşalar.

Çigännärdä[үзгәртү]

Đurđevdan'nı, yä Çigänçe Ederlezi bäyrämen elekke Yugoslaviädäge Çigännär, Möslimnär dä, Xristiannarda bäyräm itälär. Çigännärdä dä bu bäyrämne yaznıñ qaytuı belän bäylilär, yılnıñ töp bäyrämnärdän berse dip sanala. Ğädättä, Ederlezidä Çigännär yaznı çaqırıp, öylärenne çäçäklär yä çäçäk atqan botaqlar belän bizäklilär. Başqa yolalardan çäçäkle vanna kerälrä, çirkäw qoyınnan qullar yualar, öy estinälären su belen yualar. Bäyräm tabınına bärän qızdıralar, muzıka tıñlílar.

Katoliklarda[үзгәртү]

Xorvatiädä Đurđevdan'nıñ Katolik analogı, 23. Äprilendä bäyräm itelä häm Jurjevo (Đurđevo) atala. Bu İzge Georgigä (Xorvatça Sveti Juraj) bağışlanğan bäyräm nigezdä Xorvatiäneñ tönyağında, Zagreb öyäzendä bäyräm itälär. Walpurgius Tönendä kebek uçaqlar salalar.

Başqa[үзгәртү]

Ðurđevdan ul da Bijelo Dugme törkeme başqaruında Ćiribiribela albumına 1988. yılda yazılğan populär cır. Richi M feat İsa Ferrer başqaruında Ederlezi kompozisiäse 2000. yıllarda populärlıq qazanğan ide.