Алмашлык

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Алмашлык latin yazuında])
Алмашлык
Вәкиле replacing entity[d]
 Алмашлык Викиҗыентыкта

Зат атамыйча гына зат яки предметларга, аларның билгесе яки санына һәм хәлләренә күрсәтә (ишарә итә) торган сүз төркеме алмашлык дип атала.

Алмашлыклар сөйләмне кабатлаулардан коткаралар, аны җыйнак һәм матур яңгырашлы итәләр.

Мәгънәләре буенча алмашлыклар җиде төркемчәгә бүленә:

  1. Зат алмашлыклары: мин, син, ул, без, сез, алар.
  2. Күрсәтү алмашлыклары: ул, бу, шул, теге, андый, мондый, тегенди, шундый, болай, әнә, менә, шушы, шулай һ. б.
  3. Билгеләү алмашлыклары: бары, барлык, барча, һәммә, һәр, һәрбер, бөтен, үз һ. б.
  4. Сорау алмашлыклары: кем, нәрсә, ни, нинди, кайсы, ник, ничек, кайда, кая, кайдан (каян), кайсы, ничә, ничәнче һ. б.
  5. Юклык алмашлыклары: һичкем, һичбер, һичнәрсә, һичкайда, һичкайчан, һичнинди, беркем, берни, бернәрсә, беркайчан һ. б.
  6. Билгесезлек алмашлыклары: әллә кем, әллә нәрсә, әллә нинди, әллә ничек, әллә кайчан, әллә кайдан, әллә кайда, кемдер, нәрсәдер, кайсыдыр һ. б.
  7. Тартым алмашлыклары: минеке (Бу китап минеке.), синеке (Теге әлбум синеке икән.), аныкы (Әлеге сөяк саплы пәке аныкы булса кирәк.), безнеке (Бу басулар безнеке бит.), шуныкы, тегенеке һ. б.

Чыганаклар[үзгәртү | вики-текстны үзгәртү]