Гидравлик арба

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Гидравлик арба latin yazuında])
Навигациягә күчү Эзләүгә күчү
Гидравлик арба

Гидравлик арба (гади сөйләмдә рокла, рохля) — күбесенчә поддоннарда (паллетларда) йөкне күчерер өчен кулланылучы җайланма. Гади кул арбаларыннан гидравлик домкрат булуы белән аерыла. Гидравлик домкрат арбаның сәнәкләрен рычаглар һәм тарту җайланмалары ярдәмендә күтәрү һәм төшерү өчен кирәк.

Гидравлик арбалар үзйөрешле һәм кул көче белән хәрәкәтләнүче була ала.

Русиядә беренчеләрдән булып Rocla фин компаниясенең арбалары килеп чыга. «Рохля» сленг атамасы компаниянең исемен бозып әйтүдән килеп чыга.

Бүгенге көндә Русиядә гидравлик арбаларның өч төре очрый:

  • алдынгы брендларның кыйммәтле һәм сыйфатлы арбалары - «Rocla», Hyster, «ВТ», Jungheinrich, «Pfaff Motion», «OM Pimespo»;
  • уртача бәялеләр — «LM» (Lema Engineering), «OK» (Otto-Kurtbach) һәм аларның аналоглары;
  • Азия брендларының арзанлы модельләре.