Казан дәүләт финанс-икътисад институты

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Казан дәүләт финанс-икътисад институты latin yazuında])
Навигациягә күчү Эзләүгә күчү
Казан дәүләт финанс-икътисад институты
Сурәт
Нигезләнү датасы 1931
Ректор Шамил Вәлитов
Дәүләт Flag of Russia.svg Россия
Flag of the Soviet Union.svg СССР
Административ-территориаль берәмлек Казан
Рәсми веб-сайт ksfei.ru[1]
Commons-logo.svg Казан дәүләт финанс-икътисад институты Викиҗыентыкта

Институт бинасы

Казан дәүләт финанс-икътисад институты (КДФИИ) (рус. Казанский государственный финансово-экономический институт, ингл. Kazan State Finance and Economics Institute) - Россиянең халыкара дәрәҗәдәге белгечләр әзерләү белән бергә, илнең икътисади һәм финанс өлкәләрендә авыр мәсьәләләрне хәл итүдә даими катнашырга омтылып, икътисади фән өлкәсендә үзәк булып тора торган алдынгы дәүләт икътисадый югары уку йортларының берсе.

2011 елның көзеннән Казан (Идел буе) федераль университетының бер өлеше булып тора.

КДФИИ 7 факультетны һәм 21 кафедраны үз эченә ала. КДФИИДА 4 меңнән артык студент белем ала. Институтның профессор-укытучылар составы 308 кеше тәшкил итә. Институтта барлыгы 195 кеше гыйльми дәрәҗәләр һәм исемнәр белән эшли, шуларның 25 фән докторы. Хәзерге вакытта аспирантурада 90 кеше белем ала, шул исәптән көндезге уку формасы буенча — 34 кеше. 2007 елдан КДФИИ ректоры булып Вахитов Шамил Мәхмүт улы тора.

Тарихы[үзгәртү | вики-текстны үзгәртү]

Казан дәүләт финанс-икътисад институты 1931 елда В. И. Ульянов-Ленин исемендәге Казан дәүләт университетының икътисад факультеты базасында оештырыла, соңрак КДФИИ В. В. Куйбышев исемен йөртә башлый.

1992 елда КДФИИ Россиядә беренчеләрдән булып, «Менеджмент» һәм «Икътисад» юнәлешләре буенча күп дәрәҗәле югары белем бирү системасы буенча әзерләүгә күчә. 1997 елда КДФИИ үсеше тарихы музее оештырыла. 2000 елда Россия Федерациясе Мәгариф һәм Фән министрлыгының конкурс комиссиясе карары нигезендә, КДФИИ да Россиянең 33 әйдәп баручы югары уку йорты арасында югары дәрәҗәдәге «Эшлекле идарә итү остасы» әзерләү программасы ачыла. Программаны тормышка ашыруда Франция һәм Санкт-Петербургтан килгән коллегалар катнаша. Идарәче-дженералист дипломы МВА Европа стандарты принципларына туры килә. 2004 елдан вузда «Һөнәри коммуникацияләр өлкәсендә тәрҗемәче» дигән өстәмә квалификация алу өчен программа эшли. 2008 елда Eduniversal Халыкара фәнни комитеты вузның югары төбәк әһәмиятен һәм аның киң халыкара контактларын раслаучы «Ике хөрмә агачы» премиясен бирә.

2009 ел - КДФИИның Казан дәүләт университеты һәм Татар дәүләт гуманитар-педагогика университеты белән бергә Идел буе федераль университеты составына керүе турында игълан ителә.

76 ел эчендә Казан дәүләт финанс-икътисад институты финанс, кредит, бухгалтер исәбе, анализ һәм аудит, җитештерү икътисады, хезмәт икътисады, менеджмент, маркетинг, персонал белән идарә итү, кризиска каршы идарә буенча 43 меңнән артык югары квалификацияле белгеч әзерләгән.

Бина[үзгәртү | вики-текстны үзгәртү]

Институтның шәһәрнең үзәгендә - Тукай мәйданында Сталин архитектурасының үзенчәлекле бинасында урнашкан.

Уку процессын гамәлгә ашыру өчен бинада заманча техника белән җиһазландырылган аудиторияләр, 7 компьютер залы, бай китапханә (400 меңнән артык китап һәм 200 вакытлы матбугат басмасы) бар. Институтта монографияләр, методик кулланмалар һәм укытучыларның башка хезмәтләре, шулай ук «Экономист» газетасы һәм «Вестник КГФЭИ» кварталлык фәнни журналы чыгарыла.

Институт ике спорт залы, су-чаңгы базасы, теннис кортлары белән җиһазландырылган. Җәй көне студентлар спорт белән актив шөгыльләнә һәм «Экономист»спорт-сәламәтләндерү лагерендә сәламәтлекләрен ныгыта алалар. Институтның хатын-кызлар волейбол командасы югары лигада уйный. Институтта студентлар һәм укытучыларның сәламәтлеген күзәтеп торучы медиклар эшли, уңайлы ашханә, кафе һәм 4 буфет бар. КДФИИның төзекләндерелгән тулай торагы бар (Бутлеров ур., 6).

Искәрмәләр[үзгәртү | вики-текстны үзгәртү]

  1. Knowledge Graph — 2012.

Чыганаклар[үзгәртү | вики-текстны үзгәртү]