Кире бәйләнеш

Wikipedia — ирекле энциклопедия проектыннан
Моңа күчү: навигация, эзләү

Кире бәйләнеш (рус.обратная связь, ингл. Feedback) – берәр системаның функцияләү нәтиҗәсенең бу системаның функцияләвенә бәйләнеше булган параметрларга йогынты ясавына китерүче процесс. Башкача әйткәндә, системаның керү урынына чыгу сигналынаэнергиясенә) пропорциональ (яки гомуми очракта аның функциясе булган) сигнал (я энергия) бирелә. Бу еш кына системаның функцияләвенә йогынты ясар өчен юри эшләнә.
Уңай һәм тискәре кире бәйләнеш бар. Тискәре кире бәйләнеш керү сигналын чыгу сигналы үзгәрешенә каршылык күрсәтерелек итеп үзгәртә. Бу системаны параметрларның очраклы үзгәрүенә тотрыклырак итә. Уңай кире бәйләнеш, киресенчә, чыгу сигналы үзгәрүен көчәйтә. Көчле уңай кире бәйләнеше булган системалар тотрыксызлык тенденциясен күрсәтәләр. Аларда вакыт узу белән кимеми торган дулкынланулар пәйда була, яки система генератор була башлый. (Бу радиотехникада генератор схемасын төзегәндә кулланыла).