Корткаяк

Корткаяк
Уенчылар саны	4тән күбрәк
Уйнау урыны	йорт алды, урам
Физик активлык	уртача

Корткаяк — татар балалар уены.

Уйнау тәртибе

Бу уен кызлар арасында уйнала. Иң беренче балалар ана, Корткаяк сайлап куялар. Калганнары бакчар (сыерчык) була. Кызлар аллы-артлы тезелешеп, бакчар булып, «ана»лары артына басалар. Каршыларыннан килгән Корткаяк (әби карчык) ана артында торучы сыерчыкларны йолкып алырга тырыша. Тарткалашканда ике арада мондый әйтеш була:

— Әй, Корткаяк, Корткаяк, аркаңда ниләр бар?
— Бакчар, бакчар балалар бар.
— Аның берсен бирсәнә!
— Кара җаның алсана!
Әй, Корткаяк, Корткаяк,
Ике кулың утка як!

Уен сыерчыкларны Корткаяк алып бетергәнче дәвам итә.

Чыганаклар

• Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.