Хлорохинлы ретинопатия
Хлорохинлы ретинопатияне түбәндәге стадияләргә бүлеп була.
1. Премакулопатия гадәти күрү үткенлеге һәм төбәлү ноктасыннан 4 ° белән 9 ° арасындагы кызыл скотома белән сыйфатлана. Кимчелекләрне шулай ук Амслер челтәре ярдәмендә ачыклап була. Даруны туктатканда күрү сәләте, кагыйдә буларак, гадәти хәлгә кайта.
2. Башлангыч макулопатия — дәвалауны дәвам иткәндә чираттагы стадия. Ул күрү үткенлегенең бераз кимүе белән сыйфатлана (6/9 — 6/12). Күз төбендә макуляр өлкәдә көчкә күренгән зарарлану билгеләнә — «үгез күзе», ул гиперпигментланган боҗрада урнашкан депигментланган ЧТЭ атрофиясе өлкәсе белән урап алынган тутның үзәк фовеоляр утравыннан гыйбарәт. (рәс.22.3а). Бу офтальмоскопиягә караганда ФАГ белән яхшырак билгеләнә ала, чөнки ЧТЭ атрофиясе "тәрәзсыман" кимчелекләргә китерә. Бу стадия препаратны туктатуга карамастан көчәя ала.
3. Уртача макулопатия күрү үткенлегенең бераз кимүе (6/18 - 6/24) һәм макуланың «үгез күзе» төрендәге зарарлануы белән сыйфатлана. (рәс. 22.3б).
4. Көчле макулопатия күрү үткенлегенең шактый кимүе (6/36 - 6/60) һәм фовеа тирәли таралган ЧТЭ атрофиясе белән сыйфатлана. (рәс. 22.3в).
5. Терминаль макулопатия күрү үткенлегенең катастрофик кимүе һәм хориоидеядагы эрерәк кан тамырларының ачылуы белән ЧТЭ'ның чагылган атрофиясе белән сыйфатлана. Челтәркатлау артериолаларының тараюы һәм перифериядә тутлы кисәкләр барлыкка килүе мөмкин (рәс. 22.3г).
Тикшерү[үзгәртү | вики-текстны үзгәртү]
Гидроксихлорохин алган авыруларны тикшерү мәҗбүри түгел, тик кайбер тикшерүчеләр 6 елдан артык дәваланган авырулар өчен ел саен тикшерү үткәрергә тәкъдим итә. Клиник тәҗрибәдә хлорохинны икеләнмичә, кат-кат офтальмологик тикшерүләр яки катлаулы сынаулар үткәрмичә билгеләп була. Күрү үткенлеген билгеләү һәм офтальмоскопия башкару җитә. Амслер сынавын атнага бер тапкыр үткәрергә мөмкин. Симптомнар барлыкка килсә яки тайпылышлар табылса, өстәмә киңәшләр кирәк. Кирәк булса офтальмолог күрү кырын билгеләү, макуланың чик сынавын, төсле күрү, контраст сизгерлеге тикшерүе, ФАГ һәм электроокулография кебек катлаулы сынаулар ясый ала.
Соңгы тикшерүләр мәгълүматы токсиклыкны иртә ачыклау өчен мультифокаль электроретинография куллану мөмкинлеген күрсәтә (1 бүлекне карагыз).
Чыганаклар[үзгәртү | вики-текстны үзгәртү]
- Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.