Ширмер сынавы

Ширмер сынавын гадәттә яшь эшләп чыгаруны бәяләү өчен кулланалар. Сынау дымланган өлешен махсус 5 мм киңлектәге һәм 35 мм озынлыктагы кәгазьле фильтр белән үлчәүдән гыйбарәт (№ 41 Whatman). Сынауны урынлы анестезия яки ансыз эшләп була. Теориядә сынауны анестезия белән үткәргәндә (Ширмер 1) төп эшләп чыгаруны үлчиләр, ә өшетүсез һәм назаль этәргеч белән (Ширмер 2) төп һәм рефлектор яшь эшләп чыгаруны үлчиләр. Тәҗрибәдә урынлы анестезия рефлектор эшләп чыгаруны киметә, ләкин аны тулысынча юк итми. Сынауны түбәндәгечә үткәрәләр:

а)  булган яшьне пөхтә генә сөртәләр. Яшьне урынлы анестезия астында аскы гөмбәздән кәгазьле фильтр аша бетереп була;

б)  бер очыннан 5 мм аралыкта бөгелгән кәгазьле фильтр конъюнктива куышлыгына аскы кабакның тышкы һәм урта өлеше арасына мөгезкатлау һәм керфекләргә кагылмыйча куела (рәс. 7. 5б);

в)  авыруга күзне ябарга кушалар;

г)   5 мин соң фильтрны алалар һәм дымланган урынның озынлыгын үлчиләр;

д)  өшетүсез 5 мин соң 10 мм ким һәм өшетү белән 6 мм ким дымланган өлеш зурлыгы тайпылыш турында аңлата.

NB Нәтиҗәләр төрле була ала. Ширмер сынавы «коры» күз диагнозын раслаучы бердәнбер күрсәткеч булырга тиеш түгел, ләкин нәтиҗәләр кабатланганда моңа игътибар итәргә кирәк.

Чыганаклар

• Джек Кански. Клиник офтальмология. Системалаштырылган караш. / редакторлар: Еричева В.П.. — 2009. — Б. 944. — ISBN 83-7609-034-8.