Шри Сваминараян Мандир, Кардифф
| Шри Сваминараян Мандир, Кардифф | |
 | |
| Ил | [[Уэльс, Берләшкән Кыйраллык]] |
| Урнашу урыны | Кардифф |
| Координатлары | 51°28′26″ т. к. 3°11′10″ кб. о.HGЯO |
| Кайсы дини агымга карый | Гһаншьям формасында Сваминараянга табыну |
| Нигезләүче | Сваминараян |
| Нигезләнгән | 1979* ел |
| Төзелеш еллары | ???—1982 ел |
Шри Сваминараян Мандир, Кардифф Уэльсның башкаласында, Кардиффның Грэйнджтаун даирәсендә урнашкан Сваминараян гыйбадәтханәсе.[1] Ул Уэльста беренче һәм иң зур Һинд дине гыйбадәтханәсе һәм Сваминараян Сампрадайның НарНараян Дэв Гади астында булып тора.[2][3]
Тарихы[үзгәртү | вики-текстны үзгәртү]
Ул Уэльста беренче Сваминараян гыйбадәтханәсе булып тора, 1979 елда сатып алынып ул 1982 елда ачылган булган. Вакытында Сваминараян гыйбадәтханәсе үзгәртелгән синагога бинасында урнашкан булган.[4] 1993 елда ул баштагы гыйбадәтханә урыныннан юл аша күчерелеп хәзерге урынына, Ирландия клубы алмашына килгән.[2]
Ремонт[үзгәртү | вики-текстны үзгәртү]
2005 һәм 2007 еллар арасында гыйбадәтханәдә капиталь ремонт алып барылган булган, аның бәясе £700,000 булган. Боларга гыйбадәтханәдә яңа мәрмәр потлар, өч ак таш шпиль (Уэльста Һинд дине гыйбадәтханәсендә беренче итеп), традицион Һинд дине стиленда экстерьер һәм яңа дәрес бүлмәләре корылган булган. Өч шпиль бина эчендә өч яңа алтарь өстендә куелган булган - берсе хатыннар өчен, берсе ирләр өчен һәм берсе кушылган. Бу чор эчендә эш барган вакытта хезмәтләр баскыч буенча аста бүлмәдә булганнар. Ремонт өчен күпчелек акча җәмәгать тарафыннан җыелган акчага булган.[2] Гыйбадәтханә шулай ук ремонтка һәм гыйбадәтханәгә мөмкинчелекләре чикләнгән кешеләр керә алсын өчен Уэльс Хөкүмәте Ассамблеясыннан £110,000 грант алган.[5]
Җәмәгать рухы[үзгәртү | вики-текстны үзгәртү]
Гыйбадәтханә һуманитар активлыкта әйдәп бара. 2001 елда Гуджаратта җир тетрәү булганда, Гуджарат чыгышлы тугърылар зыян күргәннәр өчен фәкать өч көндә £30,000 акча җыйганнар. Гыйбадәтханә каһине шунда ук ярдәм эшләрен күрү өчен очып барган. Җәмәгать тарафыннан меңнәрчә кием сумкалары иганә ителгән булган һәм җир тетрәве эпицентрына Куч районы башкаласына, Бһуҗга җибәрелгән булган.[6] Шуңа охшаш рәвештә, соңрак шул елны, 11 Сентябрь һөҗүмнәре Дөньяны тетрәндергәч, гыйбадәтханә Кардиффта башка диннәр белән бергә һөҗүмдә үлгән кешеләр истәлегенә махсус хезмәт үткәргән.[7]
25-енче-еллык бәйрәм итүләре[үзгәртү | вики-текстны үзгәртү]
Ремонт гыйбадәтханәнең 2007 елда 25-еллыгына тәмамланган булган. Чарага Ачарья Маһараҗшри Кошалендрапрасадҗи Маһараҗ (НарНараян Дэв Гадиның рухи җитәкчесе) килгән, ул гыйбадәтханәдә яңа потларны куйган. Якынча 3000 кеше Кардифф аша музыка, төс һәм бию тулы 1,6 миля озын процессиясендә катнашкан һәм диннең шәһәрдә 25 еллыгын билгеләгән. Йөреш җәмгыять үзәгеннән Кардифф Замогы һәм Миллениум Стадионын узып гыйбадәтханәгә таба барган. Секуляризмны тәэмин итәр өчен башка дин тарафдарлары да чакырылган булган. Интернетта процессия күрсәтелгән булган, ул чаралар атнасының кульминациясе һәм гыйбадәтханәнең янә үсешен тәбрикләү булган.[1]
Дивали бәйрәм итүләре һәм Беренче Министр тарафыннан зиярәт кылу[үзгәртү | вики-текстны үзгәртү]
2008 елда Дивали чарасын зиярәт кылу өчен Уэльсның Беренче Министры Рһодри Морган килгән булган. Мистер Морганга яңа ремонтланган гыйбадәтханә буенча экскурсия бирелгән булган. Зиярәте вакытында Мистер Морган малайларга (Бэсту Варас) традицион Яңа Ел Көне бүләкләре биргән, шул ук вакытта кызларга Грэйндҗтаун Канцлеры, Франческа Монтемагги тарафыннан бүләкләр бирелгән булган. Гыйбадәтханә тарафыннан чара өчен музыка башкаруы булган һәм кунаклар өчен Дивали бәйрәм итү турында сөйләнелгән булган, соңында Сваминараян Аарти булган. Чарага шулай ук Көньяк Уэльс Полиция студентлары килгән, алар Һинд дине һәм аның йолалары турында күбрәк белергә теләгәннәр.[8][9]
Искәрмәләр[үзгәртү | вики-текстны үзгәртү]
Тышкы сылтамалар[үзгәртү | вики-текстны үзгәртү]
- Shree Swaminarayan Temple Cardiff
- Shree Swaminarayan Temple Cardiff 25th Anniversary celebrations in Images 2008 елның 20 ноябрь көнендә архивланган.
- ↑ 1,0 1,1 Worshippers celebrate with parade. BBC News (22 September 2007). 4 January 2010 тикшерелгән.(үле сылтама)
- ↑ 2,0 2,1 2,2 It's a big day for temple project, Wales Online (5 May 2007). 30 сентябрь 2014 тикшерелде.
- ↑ History: Swaminarayan Temple, Cardiff. әлеге чыганактан 9 June 2010 архивланды.
- ↑ Raymond Brady Williams (2001). An introduction to Swaminarayan Hinduism. Cambridge University Press. https://books.google.com/books?id=tPkexi2EhAIC&dq=Swaminarayan+temple+Cardiff&source=gbs_summary_s&cad=0. Retrieved 9 April 2009. Page 222
- ↑ Edwina Hart Awards community grants in Cardiff.(үле сылтама)
- ↑ Earthquake aid Shipment organised. BBC News (30 January 2001). 4 January 2010 тикшерелгән.
- ↑ Services held for attack victims. BBC News (15 September 2001). 4 January 2010 тикшерелгән.
- ↑ Rhodri's Diwali festival honour.
- ↑ First Minister to celebrate Diwali festival with Hindu community.(үле сылтама)