Энди һәм Билл кануны

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Энди һәм Билл кануны latin yazuında])
Навигациягә күчү Эзләүгә күчү

Энди һәм Билл кануны аппарат тәэминаты һәм программа тәэминаты белән бәйлелеккә карый торган билгеләмә. Бу канун 1990-ынчы елларда санак киңәшмәләрендә сөйләнгән гыйбарәдән килеп чыккан: "Энди биргән нәрсәне Билл алып китә". Бу Intel-ның элеккеге баш мөдире Энди Грув һәм Microsoft җитәкчесе Билл Гейтсның бизнес стратегияләрен тасвирлый. Intel һәм Microsoft 1980-енче еллардан бирле 1990-ынчы елларга кадәр партнёрлыкка кергән һәм Microsoft Windows-та стандарт чип-сетлар Intel ширкәтенеке булганнар. Килешүдән килгән табышка карамастан, Грув Гейтс Intel чиплары мөмкинчелекләрен тулысынча кулланмаган дип сизгән, һәм ул фактик рәвештә аның программа тәэминатын оптималь аппарат тәэминатына ирешер өчен яңартмаганын сизгән. Грувның Microsoft программа тәэминатының Intel аппарат тәэминаты өстеннән доминирлавы белән борчылуы җәмәгатьчелеккә мәгълүм булган, шуннан бу шаярту гыйбарәсе барлыкка килгән, соңрак Энди һәм Билл кануны: яңа программа тәэминаты һәрвакыт аппарат тәэминатыннан алданрак барачак, һәм санак эшләве өчен кредит алачак.