Ortatürk

Ortatürk tele Ortatürkçä Ortatürk tili
Xäl	Yasalma tel
Barlıqqa kilgän	2008 yılda
Älifba	Latin älifbası
Tel ğäiläse	Altay telläre Törki tellär

Ortatürk tele, qayçaqta Urta törki tel (Ortatürk tili) — maxsus program yärdämendä buldırıluçı yasalma tel. Tel 1993 yıldan birle eşlänä, 2008 yılda tämam barlıqqa kilä başlıy. Anıñ töp maqsatı - törki xalıqlar arasında aralaşuğa bulışu. Ortatürk barlıq tellärne ber tel belän alıştıru öçen yasalmıy. Ul tik üzara añlaşuğa häm bağlanışlarnı urnaştıruğa täğäyenlänä. Avtorı - professör, fälsäfä fännäre doktorı, tel belgeçe Baxtiyar Kärimov.

Bu telneñ süzlege tübändägeçä saylana: matematika lingvistikasına nigezlängän "Ortatürk canlı" programınnan faydalanıp 50 zamança häm iske törki tellärdän ber tiñdäş süz (ekvivalent) isäplänä. Şul süzneñ (törle fonetik formalarda) törki tellärneñ kübesendä bulu şartı bar.

Mäsälän, "Ortatürk canlı" programınnan faydalanıp "bars" süze öçen tiñdäş süz "bars" isäplängän. Bu şikeldä süz 20 törki teldä bar. Böten tawış törläre isäpkä alınsa isä, bu süz törkilärneñ 76%'nıñ söyläşkän 31 teldä bar.

Ortatürk teleneñ inde 10 000'nän artıq süze bar. Telneñ älifbası latin älifbası nigezendä eşlängän.

Ğabdulla Tuqaynıñ "Tuğan tel" şiğere (özek) ortatürk telendä:

Ey toğan til, ey güzel til, atam-anamnıñ tili! Dünyada köp ne bildim sen toğan til arqılı.

Sıltamalar

• "Ortatürk canlı" programı (рус.)
• "Ortatürk" törkeme (рус.)
• Baxtiyar Kärimov belän äñgämä 2015 елның 4 май көнендә архивланган. (рус.)