Pol Şomede de Mezonnöv

Pol Şomede de Mezonnöv fr. Paul Chomedey de Maisonneuve
Hönäre	ofitser
Tuu datası	15 fevral 1612(1612-02-15)
Tuu cire	Növil-sür-Van
Watandaşlığı	Fransiä korollege
Ülem datası	9 sentäber 1676(1676-09-09) (64 yäş)
Ülem cire	Parij

Pol Şomede, syor de Mezonnöv (fr. Paul Chomedey, sieur de Maisonneuve; 1612 yılnıñ 15 fevrale, Növil-sür-Van — 1676 yılnıñ 9 sentäbre, Parij) — Fransiä ofitserı, Monrealğa nigez saluçı.

Tärcemäi xäle

Fransiäneñ Şampan provinsiäsendä aristokratik ğailädä tuğan. Xärbi karyerasın unöç yäşendä başlağan.

Monreal utrawında koloniä tözü öçen Yaña Fransiägä barğan missionerlarnıñ iminlegen tä'min itü öçen İezuitlar ordenı tarafınnan yallanğan. 1641 yılda ul bulaçaq kolonistlar belän Kvebek şähärenä kilgän, anda qışlarğa qalğan. Gubernator anı küp irokezlar yäşägän cirgä barudan ügetläp künderep qalu tırışqan, läkin kiläse yılda Mezonnöv utrawğa kitkän. Anda ul Vill-Mari toraq punktına nigez salğan (soñraq Monreal dip üzgärtelgän). Başta kolonistlar indeyetslar belän tınıç mönäsäbätlär saqlıy alğannar, läkin 1643—1644 yıllarda irokezlar belän xärbi bäreleşlär başlanğan. 1645 yılda Mezonnöv ätiseneñ ülgänlege turında xäbär alğan häm Fransiägä kitkän. 1647 yılda ul koloniägä qaytqan häm indeyetslar belän suğışnı däwam itkän.

1652 yılda aña yañadan Fransiägä kitärgä turı kilgän, anda ul Monrealnı yaklaw öçen yöz volontör tapqan. Bu yöz belän Monrealğa qaytqaç, anda 50 keşe genä qalğan — qalğannarı Kvebekqa qaçarğa mäcbür bulğan. Tizdän koloniä höcümnärgä qarşı torırlıq däräcädä köçäygän. 1665 yılda Mezonnöv Fransiägä qaytqan. Ul 1676 yılda Parijda wafat bulğan.

Anıñ xörmätenä Gatinoda Mezonnöv bulvarı häm Monrealda De-Mezonnöv bulvarı atalğan.

Sıltamalar

• Поль Шомеде де Мезоннёв // Catholic Encyclopedia. — New York : Robert Appleton Company, 1913.