Йозеф Шульц

Тышкы рәсемнәр
	20.7.1941 югослав партизаннарны ату алдыннан төшерелгән фотографиядә "Йозеф Шульц" дип билгеләнгән шәхес.
	Күзләре бәйләнгән партизаннар, башка тарафтан күренеш.
	Йозефка һәйкәл, 1960-70-еллар.
	16 партизан һәм Йозеф атылган урынындагы һәйкәл

Йозеф Шульц
Йозеф Шульц
Туган телдә исем	Josef Schulz (Schultz)
Туган	1909; Бармен, Вупперталь, Рейн провинциясе, Пруссия патшалыгы, Алман империясе
Үлгән	19 июль 1941; Смедеревска-Паланка, Недичев Сербиясе
Милләт	алман
Ватандашлыгы	Алман рейхы[d]
Һөнәре	солдат, яфрәйтер
Катнашкан сугышлар/алышлар	Икенче бөтендөнья сугышы
Хәрби дәрәҗә	ефрейтор[d]
	Йозеф Шульц Викиҗыентыкта

Йозеф Шульц (Шультц) (алман. Josef Schulz (Schultz), серб. Jozef Šulc / Јозеф Шулц; 1909, / Рейн провинциясендәге Вупперталь шәһәренең Бармен өлеше, / Пруссия патшалыгы, - Алман империясе — 1941нең 19 июле, Белград тирәләрендәге Смедеревска-Паланка авылы, / Югославия патшалыгы) — / Өченче рейхның алман солдаты.
Икенче Бөтендөнья сугышы катнашучысы, югославлар арасында «Атмаучы», «Яхшы алман» кушаматлары астында танылган.^[3]

"Коралын төшереп, Алман офицерлары тарафыннан югослав партизаннары дип билгеләнгән серб авылы тыныч халыкны янына баскан" дигән риваятьләр аркасында элеккеге Югославия илләрендә герой-антифашист булып билгеләнде.
Алман тарих галимнәре атылганнары арасында серб булмаган Вермахт униформалы шәхеснең калдыкларын Йозеф Шульц белән бәйләү нигезсез булуын күрсәтте.^[2]^[4]^[5]

Тотылган партизаннарны ату вакыйгасы

1941 елның 20 июль көнендә, Белградтан көньяк-көнчыгышында югослав партизаннары (en) мәркәзе булган Смедеревска-Паланка (en) авылында Өченче рейхның хәрби көчләренең (en) атып-үтерү төркеме уналты партизанның тормышын туктата.^[4]

Икенче бөтендөнья сугышыннан соң үтерелү урынында табылган мәетләр кабергә күчерелгәндә, шаһитләр алман гаскәринеке дип билгеләнгән идентификацияләнмәгән әйберләрнең табылганын белдерә.^[4] Партизаннарны үтерүдә катнашырга теләмәве аркасында алар белән бергә алман гәскәрие дә атылганына ышануны ассызыклар өчен, 1947 елда мемориаль һәйкәл булдырылганда, Марсель Мезич исемле хорват корбаны исеме Марсель Мазель дип языла.^[4]

1961 һәм 1966 елларда Көнбатыш Алманиянең Neue Illustrierte һәм Quick журналлары 1941 елгы 20 июль вакыйгаларына бәйле фотоларын бастыра.^[4] Алман униформасында каскасыз шәхеснең кемлеген ачыклауда ярдәм сорала.^[4] Вермахтның 714-нче җир гаскәрләре төмәне (en) башлыгы Фридрих Шталь көндәлекләренә нигезләнеп, Көнбатыш Алманиянең Бундестаг кануннар чыгару шурасы әгъзасы Вильдрих Остман фон дер Ләе (en) бу кешене Йозеф Шульц буларак игълан итте.^[4] Остман таләбе буенча, 1972 елда Йозефның бертуганы Вальтер Югославиягә бара һәм билгесез шәхеснең Йозеф Шульц булуын раславын белдерә.^[4] 1973 елда Югославиянең "Политика" гәҗитенең (en) Алманиядәге җурналисты Вальтер Шульц белән очраша; Соңыннан Югослав гәҗитләрдә Йозеф Шульцның сәләтле рәссәм һәм Һитлерга каршы булган алман оппозициясе (en) вәкиле булуы турында яза.^[4] Югослав шаһите Звонимир Янкович (Zvonimr Janković) Алман офицеры униформасында билгеләре булмаган алман белән кычкырып бәхәсләшкәннәрен ишеткәнен белдерә.^[4]

Йозеф Шульц белән Вермахтта хезмәт иткән иптәшләре исә фотодагы кешенең ул булмавын белдерде.^[4] Шулай ук Федератив Алмания Җөмһүриятенең "Нацист җинаятьләрне тикшерү оешмасының" (en) 1972 елгы докладында да бу кешенең Шульц белән бәйләвне кире кага^[4]. Оешманың Людвигсбург офисы һәм Фрайбургтагы Алманиянең дәүләт архивының хәрби бүлекчәсе (de) хезмәткәрләренең эзләнүләре Йозеф Шульц инде 19 июльдә, партизаннар белән хәрби бәрелеш барганда^[2]^[5] үтерелгәнен күрсәтә^[2]^[4]^[5], гаскәрнең баш-фатирына аның үлгәне турында хәбәр 20 июль иртәнге сәгать 2:00 килә, туганнарына извещение җибәрелә.^[4] Бу фактлар нәтиҗәсендә алман галимнәре Шульцның Смедеревска-Паланкадагы 20 июль көне урын алган партизаннарны үтерүдә катнашканын легенда буларак кире кага.^[2]^[5] Бар бу һәм башка мәгълүматларга һәм партизан хәрәкате ветераннары оешмасының протестларына карамастан, Шульц шәхсе Югославиядә югарыга күтәрелеп килде.^[4] 1980-еллар башында Паланкада икече мемориаль һәйкәл торгызылды - бу тапкыр 16 югослав корбаннары белән беррәттән Шульц исеме дә күрсәтелде, хорват Марсель Мезич исеме исә дөрес язылышта пәйда булды.^[4]

Тышкы сылтамалар

История одной военной легенды. Гитлер на фото выглядит как всегда 2012 елның 23 октябрь көнендә архивланган.
13-минутный документальный фильм 2011 елның 27 сентябрь көнендә архивланган.

Искәрмәләр

↑ ^1,0 ^1,1 Kühnrich, Heinz; Hitze, Franz-Karl (1997) (in German). Deutsche bei Titos Partisanen 1941-1945. GNN Verlag. p. 12. ISBN 3-929994-83-6.
↑ ^2,0 ^2,1 ^2,2 ^2,3 ^2,4 Steinbach, Peter; Tuchel, Johannes (2004) (in German). Widerstand gegen die nationalsozialistische Diktatur 1933-1945. Lukas. p. 327. ISBN 3-936872-37-6.
↑ Janojlić, D.. Nije hteo da ubija Srbe (2009-11-04). 22 гыйнвар 2011 тикшерелде.
↑ ^4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 ^4,10 ^4,11 ^4,12 ^4,13 ^4,14 ^4,15 Bethke, Carl (2002). Das Bild des deutschen Widerstandes gegen Hitler In (ex-) Jugoslawien (German) (pdf) pp. 10–12. Society for Serbian-German Co-operation. 2010-01-21 тикшерелгән.; also published in Karl Bethke (2002). "Das Bild vom deutschen Widerstand gegen Hitler im ehemaligen Jugoslawien". in Gerd R. Ueberschär (in German). Der deutsche Widerstand gegen Hitler [German Resistance against Hitler]. Darmstadt: Wissenschaftliche Buchgesellschaft. pp. 111–122. ISBN 978-3-534-13146-4.
↑ ^5,0 ^5,1 ^5,2 ^5,3 Manoschek, Walter (1995). "Serbien ist judenfrei". Militärische Besatzungspolitik und Judenvernichtung in Serbien 1941/42 (2 ed.). Oldenbourg Wissenschaftsverlag. p. 189. ISBN 3-486-56137-5. Referring to Lichtenstein, Heiner (1990) (in German). Himmlers grüne Helfer. Bund-Verlag. p. 157. ISBN 3-7663-2100-5.

[kuehnrichhitze-1] 1,0 ^1,1 Kühnrich, Heinz; Hitze, Franz-Karl (1997) (in German). Deutsche bei Titos Partisanen 1941-1945. GNN Verlag. p. 12. ISBN 3-929994-83-6.

[steinbach-2] 2,0 ^2,1 ^2,2 ^2,3 ^2,4 Steinbach, Peter; Tuchel, Johannes (2004) (in German). Widerstand gegen die nationalsozialistische Diktatur 1933-1945. Lukas. p. 327. ISBN 3-936872-37-6.

[3] Janojlić, D.. Nije hteo da ubija Srbe (2009-11-04). 22 гыйнвар 2011 тикшерелде.

[Bethke-4] 4,00 ^4,01 ^4,02 ^4,03 ^4,04 ^4,05 ^4,06 ^4,07 ^4,08 ^4,09 ^4,10 ^4,11 ^4,12 ^4,13 ^4,14 ^4,15 Bethke, Carl (2002). Das Bild des deutschen Widerstandes gegen Hitler In (ex-) Jugoslawien (German) (pdf) pp. 10–12. Society for Serbian-German Co-operation. 2010-01-21 тикшерелгән.; also published in Karl Bethke (2002). "Das Bild vom deutschen Widerstand gegen Hitler im ehemaligen Jugoslawien". in Gerd R. Ueberschär (in German). Der deutsche Widerstand gegen Hitler [German Resistance against Hitler]. Darmstadt: Wissenschaftliche Buchgesellschaft. pp. 111–122. ISBN 978-3-534-13146-4.

[manoschek-5] 5,0 ^5,1 ^5,2 ^5,3 Manoschek, Walter (1995). "Serbien ist judenfrei". Militärische Besatzungspolitik und Judenvernichtung in Serbien 1941/42 (2 ed.). Oldenbourg Wissenschaftsverlag. p. 189. ISBN 3-486-56137-5. Referring to Lichtenstein, Heiner (1990) (in German). Himmlers grüne Helfer. Bund-Verlag. p. 157. ISBN 3-7663-2100-5.

[1]

[2]

[3]

[4]

[5]