Асия Смакова
Асия Смакова | |
---|---|
Туган | 27 август 1947 (76 яшь) Латып, Максимовский сельсовет[d], Стәрлетамак райуны, БАССР, РСФСР, СССР |
Ватандашлыгы | Россия |
Һөнәре | музыкачы |
Смакова Асия Вәфир кызы (28 август 1947 ел) — татар һәм башкорт җырчысы, Башкортстан Республикасының халык артисты (2010).
Биографиясе[үзгәртү | вики-текстны үзгәртү]
Асия Вәфир кызы Смакова (кыз фамилиясе Габбасова) 1947 елның 28 августында Башкорт АССРының Стәрлетамак районы Латыйп авылында туган. Ишембай шәһәрендә 1-нче сигезьеллык интернат-мәктәбеннән соң 2-нче интернат-мәктәбендә укый. Музыка укытучысы Галия Давыт кызы Рәшитова (Таңсылу Рәшитованың сеңлесе) кызның җыр-моңга сәләтен соң, аңа аерым игътибар билгели. Асия Вәфир кызы мәктәп хорында һәм җыр ансамблендә солист була.
1966-1970 елларда Уфа музыка училищесында укый, бу чорда булачак тормыш иптәше билгеле мәйданчык җырчысы Илфак Смаков белән таныша.
1975 елда Уфа дәүләт сәнгать институтын тәмамлый.
Иҗаты[үзгәртү | вики-текстны үзгәртү]
1969 елдан Башкортстан хор капелласы солисты, Башкорт дәүләт филармониясе педагог-репетиторы, 1980 елларда тормыш иптәше Илфак Смаков белән бергә чыгыш ясый башлыйлар. Бу үзенчәлекле дуэт тыңлаучылар, тамашачылар күңелендә җылы эз калдыра. Җырчылар көйле тавышлар, матур кяфәтләре, сәхнәдә үз-үзен тотышлары суырырга җайлашканнар. Алар репертуар сайлауга да бик җитди карый.
1998-2010 елларда — Айдар Галимовның «Айдар» театр-студиясы җырчы-солисты.
Асия Смакованың матур тембрлы тавышын тамашачылар һәр чак көтеп ала. Репертуарында башкорт һәм татар халык җырлары, композиторлар иҗат иткән әсәрләр бар.
Гаиләсе[үзгәртү | вики-текстны үзгәртү]
Тормыш иптәше — Илфак Смаков (1940-1993), РСФСР-ның атказанган артисты, Башкорт АССР-ның халык артисты. Кызлары — Айсылу.
Мактаулы исемнәре[үзгәртү | вики-текстны үзгәртү]
- Башкортстан Республикасының халык артисты (2010).
- Башкортстан Республикасының атказанган артисты (1995).
Мәтбугатта[үзгәртү | вики-текстны үзгәртү]
- Гөлфиә Юнысова. «Ғүмеремде ҡабат башлап булһа, ҡайтыр инем үҫмер сағыма...» «Башҡортостан» гәзите, 2017, 3 октябрь.[1].
Искәрмәләр[үзгәртү | вики-текстны үзгәртү]
- ↑ «Башҡортостан» гәзите, 2017, 3 октябрь 2017 елның 28 октябрь көнендә архивланган.(Тикшерелгән 3 октябрь 2017)
Тышкы сылтамалар[үзгәртү | вики-текстны үзгәртү]
- Смаҡова Асия Вәфир ҡыҙы — Башҡорт энциклопедияһы 2016 елның 21 апрель көнендә архивланган.(Тикшерелгән 3 октябрь 2017)
- Энциклопедия Башкирии: Смаков Ильфак Музипович
- Ильфак Смаков на сайте Башкирской государственной филармонии имени Хусаина Ахметова 2014 елның 29 сентябрь көнендә архивланган.