Анаксимен

Wikipedia — ирекле энциклопедия проектыннан
Моңа күчү: навигация, эзләү
Ἀναξιμένης

Тулы исеме Анаксимен Милетлы
Һөнәре фәлсәфәче
Туу датасы 585 ел б. э. к.(-585)
Үлем датасы 525 ел б. э. к.(-525)
Үлем җире Милет

Анаксиме́н Милетлы (бор. грек. Ἀναξιμένης) — борынгы грек фәлсәфәчесе, натурфәлсәфә милет мәктәбенең вәкиле. Анаксимандр укучысы.

Укытучысы Анаксимандрдан аермалы буларак, Анаксимен әүвәл нигезне ниндидер «аныксыз нәрсәдә» түгел, ә һавада күрә. Бу фикерне ул һаваның үзгәртүчәнлек сыйфатыннан чыгара. Аның фикеренчә, һава куеланганда — суга, җиргә, ташка, ә сыегайганда утка әверелә. Анаксименның бу карашында мөһим идея — предметларның сан һәм сыйфат закончалыгына буйсынып үзгәрүләре ята.

Анаксименның фикере буенча, җан ул — һава. Ул — тәнне үзендә тотып торучы. Ягъни, җан иясенең үпкә белән сулавы — аның яшәвен тәэмин итүче сәбәп.

Анаксимандрдан аермалы буларак, Анаксимен күк җисемнәренең (Кояш, Ай, йолдызлар) урнашкан урыннарын дөресрәк билгели, аларның «тотылулары», Айның фазалары турында гипотезалар әйтә.

Шулай ук карагыз[үзгәртү]

Чыганаклар[үзгәртү]

  • Гыйззәтов К.Т., Философия: 2 китап. 1 нче китап: Кыскача философия тарихы. Философиянең нигез проблемалары: Югары уку йорты өчен дәреслек.