Зимчәчәк
| Зимчәчәк | |
|---|---|
 | |
| күп | |
| түбән | |
Зимчәчәк — татар халык уены.
Уйнау тәртибе[үзгәртү | вики-текстны үзгәртү]
Кызлар бер сафка, малайлар аларга каршы якта икенче сафка тезелеп, кулга-кул тотынышып басалар.
Малайлар сафы (кызларга җырлап киләләр):
Киртә буе зимчәчәк, зимчәчәк,
Киртәсендә сәмеркош, сәмеркош
Кызлар: Сәмеркошка ни кирәк, ни кирәк?
Малайлар: Салма алыр кыз кирәк, кыз кирәк.
Кызлар: Аны салыр кем кирәк, кем кирәк?
Малайлар: Фәлән атлы кыз кирәк, кыз кирәк.
Исеме атап әйтеп чакырылган кыз малайлар ягына чыга. Икенче юлы кызлар җырлый һәм малайлардан берсенең исемен әйтеп чакыра.
Калганнарын да шулай җыр белән чакырып чыгарып, сайлап алыш дәвам итә.
Чыганаклар[үзгәртү | вики-текстны үзгәртү]
- Татар балалар фольклоры./Төзүчесе Рәшит Ягъфәров. — Казан: «Раннур» нәшрияты, 1999.