Кара гыйнвар

Кара гыйнвар (әзери. Qara Yanvar) яисә Канлы гыйнвар (әзери. Qanlı Yanvar) — Совет Армиясе гаскәриләре тарафыннан сәяси оппозицияне бастыру вакыйгасы. 1990 елның 20 гыйнварына каршы төндә Азәрбайҗан ССР башкаласы Бакы шәһәрендә йөзләрчә тыныч кешеләр (күпчелек азәрбайҗаннар) үлеме белән төгәлләнә^[1].

Тарих[үзгәртү | вики-текстны үзгәртү]

1990 елда Советлар Берлеге идарәсе, Азәрбайҗанда Советлар идарәсен саклап калыр өчен, аның башкаласы Бакыга 20 меңлек гаскәр кертә.
Вакыйга Таулы Карабах тирәсендә вәзгыять катлаулану һәм Азәрбайҗан Халык Фронтының урам митингларына дистәләгән мең кешене чыгарып, Советлар хөкүмәтенә сәяси таләпләр кую белән бәйле була.
ССРБ идарәсе гаскәр куллана. Нәтиҗәдә, 170 кеше үтерелә һәм 400 кеше яралана.
Әлеге фаҗига корбаннары Бакы үзәгендә бәйсезлек өчен көрәш каһарманнары буларак күмелгән.
1990 елның 22 гыйнварында Бакы урамнарына, танклардан курыкмыйча, миллион ярым кеше чыккан.

Һәр елны 20 гыйнварда Азәрбайҗанда һәм күп кенә төрки илләрнең башкалаларында рәсми яс чаралары уздырыла.
Дөнья тарихына ул «Кара гыйнвар» исеме белән кергән.
20 гыйнвар Азәрбайҗанда «Тоталитар режим корбаннары көне» буларак игълан ителгән. Ел саен Бакыда дистәләгән мең кеше корбаннарны искә алырга яс митингларына җыела.