Malayziä buddizm, xristianlıq, induizm, sikhizm häm daosizm buyınça konsultativ kiñäşmäse
Malayziä Buddizm, Xristianlıq, İnduizm, Sikhizm häm Daosizm buyınça konsultativ kiñäşmäse (mal. Majlis Penundigan Malaysia Agama Buddha, Kristian, Hindu, Sikh dan Tao, MCCBCHST) — Malayziädä kommersiäle bulmağan konfessiäara oyışma. Başta, 1983 yılda «Malayziä Buddizm, Xristianlıq, İnduizm häm Sikhizm konsultativ kiñäşmäse» bularaq barlıqqa kiterelep, ul Malayziäneñ töp möselman bulmağan dinnärennän tora. Kiñäşmä konsultativ organ häm ilneñ dinnäre arasında mönäsäbätlärne cayğa kiterü çarası bularaq eşli. 2006 yılda Daoslarnıñ oyışmada berençe märtäbä wäkilläre bulğan häm şul uq yılnıñ 27 sentäbrendä cıyılışta atama xäzergesenä üzgärtelgän bulğan.
Missiäse[үзгәртү | вики-текстны үзгәртү]
Kiñäşmäneñ qaraşı «küp din, ber millät» şiğare belän çağıla. Kiñäşmä ışanu, din, rasa, mädäniät yäki ceneskä qaramastan barlıq Malayziälelär arasında konfliktlarnıñ çişeleşe çarası bularaq tügäräk östäl artında dialogqa prioritet birä. Şulay uq kiñaşmä wöcdan irege sorawları belän mäşğul.
Sostavı[үзгәртү | вики-текстны үзгәртү]
Malayziä Buddizm, Xristianlıq, İnduizm, Sikhizm häm Daosizm buyınça konsultativ kiñäşmäse Başqarma komitet citäkçelege astında eşli, aña şuña kerüçe här din wäkile kerä.
Buddizmnıñ wäkile bulıp Malayziä Buddaçılıq Assotsiatsiäse (MBA), Malayziädä Buddaçılıq Missioner Cämğiäte (BMSM) häm Sasana Wardhana Cämğiäte (SAWS) tora. Xristianlıq wäkile bulıp Malayziä Xristian Federatsiäse (Christian Federation of Malaysia, CFM) tora. Federatsiägä üz çiratında Malayziäneñ katolik yepiskoplar Konferensiäse (Catholic Bishops Conference of Malaysia, CBCM), Malayziä Çirkäwläre Kiñäşmäse häm Milli İncil Xristian Boradärlege (National Evangelical Christian Fellowship, NECF) kerä. İnduizm wäkile bulıp Malayziä Induizm Sangamı (Malayziä Hindu Sangam, MHS) tora. Sikhizm wäkilläre bulıp Malayziä Gurudvar Kiñäşmäse (Malaysian Gurudwaras Council, MGC), Halsa Diwan Malayziä (Khalsa Diwan Malaysia, KDM) häm Malayziäneñ Sikh Naucawan Sabxası (Sikh Naucawan Sabha Malaysia, SNCSM) tora. Daosizm wäkile bulıp Malayziä Daos Assotsiatsiäläre (Federation of Taoist Associations of Malaysia, FTAM) tora.
Berläşkän Millätlär belän partnerlığı[үзгәртү | вики-текстны үзгәртү]
2020 yılnıñ may ayında Bötendönya Sälamätlek Saqlaw Oyışması Malayziädä dini oyışmalar häm Kiñaşmä belän partnerlıqta Buddaçılıq Vesak bäyrämen ütkärgän. Bötendönya Sälamätlek Saqlaw Oyışması din taraftarlarına COVID-19 waqıtında ğibadätxanä çaraları qurqınıçsız bulsın öçen dini xezmätlärne keçkenä ğailä torkemnär belän niçek başqaru turında ğadi qağidälär eşläw öçen xezmättäşlek itkän. Kiñäşmä vitse-prezidentı Sing Kan iğlan itkänçä: «Xäräkätne çikläw turında ämer küp sorawlar kiterep çığardı, bigräk tä Vesaknı qarşılaw turında — bez närsä eşli ala del häm eşli almi idek, bu bäyräm waqıtında cıyılışlarğa nindi qurqınıçsız alternativalar bulğan häm iñ ähämiätlese bez üzebezne häm ğailälärebezne COVID-19-dan niçek iminländerä alu turında».
Dini irek[үзгәртү | вики-текстны үзгәртү]
2021 yılnıñ 12 mayında AQŞ däwlät departamentınıñ xalıqara dini irek buyınça idäräse (US Department of State Office of International Freedom) Malayziä buyınça 2020 yıl öçen xalıqara din irege turında otçöt bastırğan. Otçötta Malayziädä bülär häm xökem itär öçen qayber säyäsatçelär tarafınnan barlıqqa kiterelgän dini törkemnär arasında doşmanlıq eskalatsiäse belän borçularnı çığarğan kiñaşmä öyränülären qullanğan bulğan.