Oyıştıruçılar cıyını əğzələre komitəte

Wikipedia — ирекле энциклопедия проектыннан
Моңа күчү: навигация, эзләү
Oyıştıruçılar (Uçreditellär) Cíını Äğzaları Komitäte

Oyıştıruçılar (Uçreditellär) Cíını Äğzaları Komitäte (KomUç, Samar Uçredilkası), 1918. yılnıñ Yün-Sentäber aylarında Urta İdel buyı belän Ural töbägendä Eserlärneñ xakimiät oyışması.

Petrogradta Uçreditelnoye Sobranie (Oyıştıruçılar Çíını) quıp taratılğaç häm Samaranı baş kütärgän Çex-Slovak korpusı suğışçıları basıp alğaç, Samara şähärendä oyıştırıla. KomUç demokratik ireklär häm 8 säğätle eş köne buldırıluın, qızıl töstäge däwlät flagı raslanuın, eşçelär konferensiälären häm krästiän qorıltayların uzdıruğa, hönäri berleklär eşçänlegenä röxsät birelüen iğlan itä, Sovet xakimiäte dekretların yuqqa çığar, üzeneñ Xalıq armiäsen buldıra. KomUç xakimiätenä Yül-August aylarında Samara, Saratov, Sember, Ufa, öleşçä Qazan gubernaları buysındırıla. 1918. yılnıñ Sentäberendä komität üz wäkälätlären Ufa direktoriäsenä tapşıra, ataması Oyıştıruçılar cíını äğzaları qorıltayı dip üzgärtelä. 1918. yılnıñ Dekäberendä taratıala.

Bolşevik säyäsäte belän kileşmägän Tatar milli eşlekläre İlyas Alkin, Fuad Tuqtarov h. b. KomUç eşçänlegendä qatnaşqan, komitätneñ büro äğzaları bulğannar.