Брахма Кумарис

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Брахма Кумарис latin yazuında])
Навигациягә күчү Эзләүгә күчү
Нигезләүче, Лехрадж Крипалани.

Брахма Кумарис („Брахма кызлары“) Брахма Кумарис Дөнья Университетының кыскача атамасы, Һиндстаннан йөзләрчә мең әгъзасы булган дини-рухи оешма. Раджа-Йога өйрәтелә, Кеше һәм Илаһ арасында мәхәббәт тулы элемтә. „BK“ оешма тарафдары өчен һәм оешма өчен кыскартылма булып тора. 1937 елда Лехрадж Крипалани (соңыннан ул Брахма Баба исемен алган) тарафыннан нигезләнгән булган. Дөнья буйлап берникадәр дәрәҗәдә бәйсез үзәкләр бар, алар күбесенчә хатын-кызлар тарафыннан идарә ителә. Юнәлешнең штаб-фатиры булып Маунт Абуда (Раджастхан, Һиндстан) Ашрам комплексы тора. Бөтен дөньяда экспансия 1970 елдан бирле башланган булган.

Иртә тарихы[үзгәртү | вики-текстны үзгәртү]

Башта Ом Мандали дип аталган Брахма Кумарис Һиндстанда, Синдһта, Хәйдәрабадта (хәзерге көндә Пакистанда урнашкан) башланган булган. Ул шундый атамага әгъзалары традицион сатсанг стилендә сабак алганга кадәр бергә "Ом" әйткәнгә күрә ия булган. Баштагы сабаклар Бхагавад Гитага якын бәйләнештә булган.

Тәгълимат[үзгәртү | вики-текстны үзгәртү]

Ул тәнгә капма-каршы рәвештә җаннар идентиклыгын игътибар үзәгендә тоткан медитация формасына өйрәтә. Барлык җаннар эчтә яхшы һәм Илаһ барлык яхшылыкның чыганагы дип ышаныла. Оешма тән белән ассоциацияләнгән раса, милләт, дин һәм җенес белән бәйле шаблон фикерләрне җиңәргә өйрәтә һәм "җанны аңлау"да нигезләнгән глобаль мәдәниятне нигезләргә омтыла.
2008 елда хәрәкәт 100 илдә 8500-дән артык үзәге булып 825 000 даими өйрәнчеге булган дип раслаган.

Эшчәнлеге[үзгәртү | вики-текстны үзгәртү]

Белем бирү[үзгәртү | вики-текстны үзгәртү]

Традицион рәвештә Брахма Кумарис җиде ике сәгать сессиясеннән торган медитациягә кереш алып барган. Сессияләргә ачык күз белән медитация техникасы һәм аның фәлсәфәсе кергән. Оешма шулай ук "уңайлы уйлау", "үзең белән идарә итү җитәкчелеге" һәм "яшәү кыйммәтләре" буенча курслар тәкъдим итә. Аларның шулай ук төрмәләрдә берничә пропаганда программасы бар.
Висенте Фокс ярдәме белән Брахма Кумарис медитация практикаларын һәм фәлсәфәсен Мексика хөкүмәтенә "Үзең белән Идарә Итү Җитәкчелеге" аша тәкъдим иткән. Бу курс Брахма Кумарис фәлсәфәсенә бәйләнештә һәм Брахма Кумарис идарә фәлсәфәсенең асылы булып тора. 90 өйрәтелгән инструктор хөкүмәтнең өске дәрәҗәсендә 25 000 кеше узган программалар алып барган.

Яңартыла торган энергия[үзгәртү | вики-текстны үзгәртү]

Брахма Кумарис штаб фатирында зур Кояш генераторы.

Брахма Кумарис берничә әйләнә-тирә мохит инициативасын башлап җибәргән. Кояш энергиясе һәм тәэмин ителә торган энергия буенча эшләренә 2007 елда дөньяда иң зур Кояш пешерү җиһазы һәм Маунт-Абуда халыкара штаб-фатиры урнашу җире нигезендә Кояш термаль электростанциясе керә. 25 акр мәйданлы урын көн саен 22000 кВт электр энергиясе җитештерергә проектланган. Проектны финанс ягыннан мөмкин булуны Һиндстан һәм Германия хөкүмәте тәэмин иткән.

Сәламәтлек саклау[үзгәртү | вики-текстны үзгәртү]

1991 елда Брахма Кумарилар, Ашок Меһта һәм бертуганнар Гулаб һәм Хубчанд Ватумалл Раджастханның Сироһи районында Джей биредәге халыкка медицина хезмәтләре күрсәтә торган Ватумалл Глобаль Хастаханәсен ачканнар.

Берләшкән Милләтләр киңәшмә статусы[үзгәртү | вики-текстны үзгәртү]

1998 елда Брахма Кумарис Берләшкән Милләтләр Икътисади һәм Иҗтимагый Эшләре Департаменты өчен консультатив статуска ирешкән.

Искәрмәләр[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]