Дженни Карези
| Дженни Карези | |
|---|---|
| Туган телдә исем | грек. Τζένη Καρέζη |
| Туган | 12 гыйнвар 1932[1] Афин, Греция |
| Үлгән | 26 июль 1992 (60 яшь) Афин, Греция |
| Үлем сәбәбе | яман шеш |
| Күмү урыны | Беренче Афин зираты[d] |
| Ватандашлыгы |  Греция |
| Әлма-матер | National Theatre of Greece Drama School[d] |
| Һөнәре | театр актеры, киноактер, телевизион актёр, тәрҗемәче |
| Сәяси фирка | Единая демократическая левая партия[d] һәм Юнанстан коммунистлар фиркасе[d] |
| Җефет | Kostas Kazakos[d] һәм Захос Хадзифотиу[d] |
| Балалар | Константинос Казакос[d] |
Дженни Карези(греч. Τζένη Καρέζη; төп исеме — Евгения Карпузи; 12 гыйнвар 1934 ел[2] — 27 июль 1992 ел)[3] — Грециянең театр һәм кино актрисасы.
Биографиясе[үзгәртү | вики-текстны үзгәртү]
Евгения Карпузи Афинада 1934 елның 12 гыйнварында (кайбер чыганакларда 1932 яисә 1936 ел күрсәтелә) туган. Аның әтисе математик, ә әнисе мәктәптә укытучы булып эшли. Евгения Салоникида шәхси француз мәктәбендә, ә аннары Афинада укый. Ул французча иркен аралаша. Яшүсмер елларында атасы гаиләсен ташлап китә, һәм кыз әнисе тәрбиясендә үсә.
1951 елда Грек Милли театрының театр мәктәбенә укырга кабул ителә. Аның укытучылары драматург Ангелос Терзакис һәм режиссер Димитрис Ронтирис булган. 1954 елда Театр мәктәбен тәмамлаганнан соң, ул шунда ук Алексис Минотис һәм Катина Паксино кебек актерлар белән төп рольләрдә уйный башлый.
Марика Котопуля театрында La Heléne belle француз комедиясендә Мелина Меркури һәм Василисс Диамантополос белән бергә катнашуы аның беренче сәхнә чыгышы дебюты була. 1955 елда Карези, Алекос Сакеллариосның Laterna, kai filotimo ftoheia комедиясендә уйнап, кинода төшә, шулай ук бу фильмның 1957 елда чыккан дәвамы да, Laterna, kai garyfallo ftoheia, зур уңыш казана.
1960 нчы еллар аның карьерасында иң югары нокта була, 1961 елда ул үзенең грек кинематографы классикасы дип аталган театр труппасын җитәкли: Лола (1964), Минем тиле, тиле гаиләм (1965), Дженни-Дженни (1966), һәм Пулемёт өчен концерт (1967). Кызыл фонарь (1963) фильмы «Оскар» премиясенең чит телдәге иң яхшы фильмы өчен номинациясында аның иң зур уңышы була.
Лисистрата (1972) аның соңгы фильмы була. Киләсе дистә елда ул Кем Вирджиния Вульфтан курка?, Медея һәм Электра кебек классик театр әсәрләрендә продюсер һәм актриса сыйфатында чыгыш ясый. Ул театр сәхнәсендә соңгы тапкыр 1990 елда Лула Анагностакиның Алмаз һәм блюз әсәрендә уйный. Аннары ул күкрәк бизендә яман шеше[4][5] аркасында сәхнәне ташлап китергә мәҗбүр була.
Дженни Карези 1992 елның 27 июлендә үз йортында яман шештән вафат була. Меңләгән кеше килә, аның белән хушлаша. Дженни Карези Беренче афина зиратында җирләнә.
Шәхси тормышы[үзгәртү | вики-текстны үзгәртү]
1960 нчы еллар башында Карези журналист Захос Хадзифотиуга кияүгә чыга, әммә ике елдан бу никах аерылышу белән тәмамлана. 1967 елда, Пулемёт өчен концерт фильмын төшергән вакытта, ул Костас Казакос белән таныша, бу никахтан аның Константинос исемле улы туа.
Искәрмәләр[үзгәртү | вики-текстны үзгәртү]
Сылтамалар[үзгәртү | вики-текстны үзгәртү]
- Дженни Кари (инг.) на сайте Find a Grave
- YouTube сайтында Ut2GY6y-Ofs