Ирина Аверко-Антонович

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Ирина Аверко-Антонович latin yazuında])
Навигациягә күчү Эзләүгә күчү
Ирина Аверко-Антонович
Туган 19 апрель 1960(1960-04-19)
Казан, РСФСР, СССР
Үлгән 24 гыйнвар 2006(2006-01-24) (45 яшь)
Казан, Россия
Ватандашлыгы Flag of the Soviet Union.svg СССР
Flag of Russia.svg Россия
Әлма-матер Казан милли тикшеренү технология университеты
Гыйльми дәрәҗә: химия фәннәре докторы[d]
Гыйльми исем: профессор[d]

Ирина Юрьевна Аверко-Антонович (1960 елның 19 апреле, Казан2006 елның 24 гыйнвары, Казан) — химик-технолог, химия фәннәре докторы (1997), профессор (1999), Татарстан Республикасының Атказанган фән эшлеклесе (2004).

Тормыш юлы[үзгәртү | вики-текстны үзгәртү]

Ирина Аверко-Антонович 1960 елның 19 апрелендә Казанда туа.

1982 елда Казан химия-технология институтының Синтетик каучук технологиясе кафедрасын кызыл диплом белән тәмамлый һәм шунда ук эшли башлый. 1984 елдан — аспирант, 1985 елдан — Эластомерлар эшләү үзәгенең эмульсион полимерлаштыру лабораториясе мөдире.

1986 елда Ирина Аверко-Антонович техник фәннәр кандидаты дәрәҗәсенә диссертация яклый. 1993 елдан — Синтетик каучук технологиясе кафедрасы доценты.

1996 елда «Су тирәлекләрендә радикаль полимерлаштыру системаларының тотрыклылыгын җайга салуның химик һәм физик-химик аспектлары» темасына химия фәннәре докторы гыйльми дәрәҗәсенә диссертация яклый[1].

2006 елның 24 гыйнварында Казан шәһәрендә вафат була[2].

Фәнни эшчәнлек[үзгәртү | вики-текстны үзгәртү]

Ирина Аверко-Антонович 300дән артык фәнни эш, шул исәптән 4 уку әсбабы авторы. Ул эмульсион полимерлаштыру һәм латекслар алу өлкәсендә тикшеренүләр белән шөгыльләнгән[3].

Полимер эмульсияләре модификаторлары һәм стабилизаторлары сыйфатында өслек-актив матдәләр куллануның теоретик һәм гамәли аспектларын эшләгән.

Ирина Аверко-Антоновичның фәнни тикшеренүләр нәтиҗәләре «Түбән Кама нефть химиясе», «Түбән Кама шин» акционерлык җәмгыятьләренә, С. М. Киров исемендәге синтетик каучук заводында, Стәрлетамак синтетик каучук заводында һ. б. кертелгән.

Искәрмәләр[үзгәртү | вики-текстны үзгәртү]

  1. Химические и физико-химические аспекты регулирования устойчивости систем радикальной полимеризации в водных средах
  2. Институт татарской энциклопедии и регионоведения Академии наук РТ. Аверко-Антонович Ирина Юрьевна https://tatarica.org/ru
  3. ОАО «Казанский завод синтетического каучука» и Казанский государственный технологический университет (связь времен и поколений, образования и производства, культуры и бизнеса)