Картвель телләре

Картвель телләре
Төбәкләр:	Көньяк Кавказ
Классификация
Төркем:	???

Картве́ль телләре (көньяк-кавказ телләре) — Көньяк Кавказ көнбатышында, нигездә Грузиядә таралган телләр гаиләсе (төркеме). Генетик яктан башка телләр белән мөнәсәбәтләре ачык түгел. Гадәттә, картвель телләрен Кавказ телләре гаиләсенә кертәләр, ләкин соңгы елларда әлеге тәгълиматны кире кагалар.

Картвль телләрендә җенес төрләнеше юк.

Төркемләү

• Көньяк картвель ботагы:
  • грузин теле
  • Зан (колхид) төркеме:
    • мегрель теле
    • лаз теле
• сван теле

Әлеге телләр төркеменә шулай ук борынгы грузин телен кертәләр. Грузин яһүдләре теленең картвель төркеменә керүе бәхәсле.

Бүгенге көндә картвель телләре арасында фәкать грузин теленең үз язуы бар. XIX гасырдан бирле лаз һәм мегрель телләре өчен язуны булдыру эше алып барыла, ләкин әлегә бу эш нәтиҗәсез.