Миопиядә дегенератив үзгәрешләр

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Миопиядә дегенератив үзгәрешләр latin yazuında])
Навигациягә күчү Эзләүгә күчү

Рефракция 6 дптр күбрәк һәм күз алмасының күчәр озынлыгы 26 мм күбрәк булса, миопияне югары дәрәҗәдә саныйлар. Бу халәтне бөтен популяциядә якынча 0,5% һәм миопия белән кешеләрдә якынча 30% теркәлә. Патологик яки дегенератив миопия күз алмасының алгы-арткы күчәре көчәюче артык озынаю белән алга таба күз агы, челтәркатлау, хориоидея һәм күрү нерв башчыгының икенчел үзгәрүе белән сыйфатлана.

Макулопатия — югары дәрәҗәдәге миопия белән пациентларда күрү начарлануның иң еш сәбәбе.

Диагностика[үзгәртү | вики-текстны үзгәртү]

1. ЧПЭ күзәнәкләре диссоциациясе белән хориоидеяның эре тамырлары ачылу өчен тонык мозаика сыман (тигроидлы) челтәркатлау рәсеме (рәс. 17.29а).

2. Фокаль хориоретиналь атрофия яхшы күренгән эре хориоидаль тамырлар белән сыйфатлана, ә кайчакта күз агы да (рәс. 17.29б).

3. «Лаклы ярылулар» «ЧПЭ — Брух мембранасы — хориокапиллярлар» комплексы ертылудан гыйбарәт һәм юка тигезсез сары сызыклар кебек күренә, еш тармакланалар һәм күзнең арткы котыбында кисешәләр (рәс. 17.29в).

4. ХТ «лаклы ярылулар» һәм тимгелле атрофия локуслары белән бергә үсеш алырга мөмкин (рәс. 17.29г).

5. Субретиналь тәңкәсыман геморрагияләр  «лаклы ярылуларда» ХТ булмаган барлыкка килә ала һәм еш вакытлы була (рәс. 17.29д).

6. Фукс табы— макуляр геморрагияләр суырылуыннан соң үсеш алырга мөмкин булган кабарынкы түгәрәк пигментланган ясалу (рәс. 17.29е).

Өзлегүләр[үзгәртү | вики-текстны үзгәртү]

1. Стафилома күз алмасы күләме арту һәм күз агы юкару өчен үсеш ала (рәс. 17.30а-в). Стафилома перипапилляр була яки күзнең арткы котыбын җәлеп итә ала һәм макуляр ертылу ясалу белән катнаш була ала.

2. Челтәркатлауның регматоген кубарылуы пыяласыман җисем сыеклану, пыяласыман җисемнең арткы кубарылуы ешлыгы арту, «рәшәткәле» дегенерация, симптомсыз атрофик ертылулар, макуляр ертылулар (рәс 17.30г) һәм сирәк — челтәркатлауның гигант ертылулары өчен барлыкка килә ала. Челтәркатлау кубарылу барлыкка килү ешлыгы миопия авырлыгына бәйле.

3. Фовеаль ретиношизис һәм челтәркатлау кубарылу макуляр ертылу ясалусыз югары дәрәҗәдәге миопиядә һәм витреаль тракция нәтиҗәсе буларак арткы стафилома булганда барлыкка килә ала.

4. Перипапилляр кубарылу — ЧПЭ һәм миопия конусының аскы кырые буенча сенсорлы челтәркатлауның саргылт төстәге күтәренкелеге белән сыйфатланган, симптомсыз, күрүгә янамаучы халәт. Әмма җитдирәк патологияне, мәсәлән ХТ яки шешне төшереп калдырырга кирәк.

Югары дәрәҗәдәге миопия белән бергә булган халәтләр[үзгәртү | вики-текстны үзгәртү]

1. Офтальмологик

• Катаракта (арткы субкапсуляр яки төшнең иртә тыгызлануы).

• Беренчел ачык почмаклы глаукома, пигментлы глаукома куркынычлыгы һәм стероидларга сизгерлек арту.

• Җитлекмәгәннәр ретинопатиясе киләчәктә миопия үсеше белән бергә була ала.

• Амблиопия сирәк очрый, әмма ике күз арасында миопия рефракциясенең чагылган аермасында була ала.

2. Системалы

• Стиклер синдромы

• Марфан синдромы

• Элерс-Данлос синдромы

• Пьере-Робин синдромы

Дифференциаль диагностика[үзгәртү | вики-текстны үзгәртү]

Дифференциаль диагностиканы чагылган хориоретиналь атрофия белән сыйфатланган башка чирләр белән үткәрәләр.

1. Хориоидеремия. Никталопия, перипапилляр үзгәрешләр булмау һәм чир азагында да макула ягыннан ярлы күренешләр хас.

2. Гирате атрофиясе. Иртә башлану, зарарлану чыганакларының тешле кырыйлары һәм соңрак макула җәлеп ителүе хас.

3. Таралган хориоидаль атрофия. Миопиягә караганда күпсанлы хориоретиналь үзгәрешләр хас.

4. Көчәюче бифокаль хориоретиналь атрофия. Иртә башлану һәм макуляр өлкә белән күз төбенең назаль өлеше белән чикләнгән үзенчәлекле атрофик чыганаклар хас.

Чыганаклар[үзгәртү | вики-текстны үзгәртү]

Джек Кански - "Клиник офтальмология: системалаштырылган караш", 2009 ел