Наталья Седлецкая

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Наталья Седлецкая latin yazuında])
Навигациягә күчү Эзләүгә күчү
Сурәт
Җенес хатын-кыз
Ватандашлык Flag of Ukraine.svg Украина
Туу датасы 20 июнь 1987(1987-06-20) (33 яшь)
Туу урыны Киев, СССР
Һөнәр төре журналист
Әлма-матер Институт журналистики Киевского университета[d]
Commons-logo.svg Наталья Седлецкая Викиҗыентыкта

Седлецкая Наталья Юрьевна (укр. Наталія Юріївна Седлецька; 20 июнь 1987) — украин журналисы. 2014 елдан алып — «UA: Беренче» каналында «Схема» программасын алып бара. ТВі журналисты (2009-2013). Оешкан җинаятьчелекне һәм коррупцияне тикшерү буенча үзәкнең әгъзасы.

Биографиясе[үзгәртү | вики-текстны үзгәртү]

Наталья Юрьевна Седлецкая 1987 елның 20 июнендә Киевта туган. Ата-әнисе Украинаның Милли фәннәр академиясендә эшләгән. Атасы — физик, ә әнисе — инженер. Наталья бала чагын Киевның сул ярындагы торак массивларының берсендә үткәрә[1].

Тарас Шевченко исемендәге Киев милли университетының Журналистика институтында «радиожурналистика» һөнәре буенча укый[2]. Беренче курста фильм һәм рекламаларны төшерүдә стилист ярдәмчесе булып эшли башлый, берничә коммерция рекламасында төшә. Икенче курста Киев телеканалларының берсенең атналык яшьләр программасында эшли. Өченче курста Егор Чечерин Седлецкаяны интернет-телевидение INTV чакыра. Өченче курстан соң ул дүрт ай буе Work and Travel USA программасы буенча Нью-Йоркта итальян ресторанында эшли[1]. 2009 елда Тв телеканалында «Восклицательный знак!» программасында эшли. Өч ел үткәч аңа Тв телеканалында тикшеренү журналистикасы жанрында үзенең «Тендер News» программасын алып баруны ышанып тапшыралар. «Стоп цензуре!» хәрәкәте әгъзасы булып тора. 2013 елда ТВі хуҗалары һәм җитәкчелеге алмашканнан соң башка берничә журналист белән телеканалдан китә[2]. ТВі программасыннан киткәч, АКШ-ка күчеп китә, анда элек эшләп киткән ресторанда эшкә урнаша[1].

2013 елның җәендә Вацлав Гавел исемендәге стипендия ала, ул Прагада урнашкан «Азатлык» радиосы штаб фатирында тугыз ай дәвамында уку хокукы бирә[3]. 2014 елның язында «Азатлык радиосы» украин эшчәнлеге өчен «Схема»программасын алып бара башлый[2]. YanukovychLeaks проектында катнаша[4]. 2014 елның июленнән «Беренче милли» (c 2015 ел — UA: Беренче) телеканалында «Азатлык радиосы» акчасы исәбенә Седлецкаяның «Схема» программасы чыга башлый[5]. 2015 елның апреленнән «Честь профессии» журналист премиясе белән бүләкләү тантанасын алып бара[6]. 2015 елда Британиянең Channel 4 белән бергә Русиядән Бөекбританияда элиталы күчемсез милек алу юлы белән акча үзләштерү турында тикшерүдә катнаша. Тикшерү сөземтәсенә соң «Русиядән — саф акча белән» (From Russia With Cash) документаль фильмы барлыкка килә[7]. 2016 ел дәвамында «Схема» программасының баш мөхәррире була[8].

2018 елның 27 августында коррупциягә каршы милли бюро директоры Артем Сытникның дәүләт серен һәм судка кадәр карау мәглүмәтләрен тарату мөмкинлеге турындагы эше белән бәйле Киевның Печера район суды Украинаның Генераль прокуратурасына 17 айлык чорга Седлецкаяның телефон бәйләнешләренә рөхсәт бирә[9]. Бу карар Transparency International, берничә украин журналистын һәм җәмәгать оешмаларын, шулай ук АКШ, Аурупа берлеге һәм ПАСЕ вәкилләрен, хөкем итә[10][11][12][13]. Бу карарга җавап итеп, Седлецкая Киевның Апелляция судына шикаять бирә[14]. Нәтиҗәдә хөкем Украинаның генераль прокуратурасына Седлецкая телефон мәглүмәтләренә инде ел ярымга рөхсәт итә[15]. 2018 елның 18 сентябрендә кеше хокуклары буенча Аурупа суды Украина властьларна бу карарны бер айга кичектерергә тәкъдим итә[16]. 2018 елның 16 октябрендә кеше хокуклары буенча Аурупа суды Украина властьларына Седлецкая телефоны мәглүмәтләренә «аерым карарга кадәр» керүне тыя[17]. 2019 елның июлендә Киевның Алтынчы шикаять суды Печера район судының Седлецкаяга аның кәрәз телефоннан мәглүматләргә керү турында карарны баш тартудан законсыз дип таный[18]. 2019 елның җәендә Стэнфорд университетында Draper Hills Summer Fellowship программасы буенча ике атналык стажировка үтә[19].

Бүләкләре[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. 1,0 1,1 1,2 Левантович Оксана (2018-03-26). Наталія Седлецька про свій шлях до антикорупційної журналістики.
  2. 2,0 2,1 2,2 Наталія Седлецька - Ведучі - Перший канал.
  3. Наталія Седлецька виграла журналістську стипендію ім. Вацлава Гавела (2013-08-14).
  4. У Норвегії триває найбільша конференція розслідувачів, на головну премію номіновано YanukovychLeaks (2015-10-09).
  5. Новий проект розслідувань Наталки Седлецької на Першому фінансує «Радіо Свобода» (ВІДЕО) (2014-07-10).
  6. Оголошено переможців VI конкурсу професійної журналістики «Честь професії» (2015-04-27).
  7. У Лондоні гроші теж не пахнуть (2015-07-18).
  8. «Схеми» шукають головного редактора (2017-01-18).
  9. Суд дав ГПУ доступ до телефонних переговорів Седлецької. «Радіо Свобода» готує скаргу (2018-09-04).
  10. Журналісти та громадські організації закликають ГПУ не реалізовувати ухвалу щодо керівника програми «Схеми». ЗАЯВА (2018-09-04).
  11. Громадські організації обурені порушенням права Наталії Седлецької на приватність (2018-09-05).
  12. ГПУ vs журналісти. Пояснюємо суть за хвилину (2018-09-07).
  13. В ПАСЕ призавил Киев соблюдать права Седлецкой на “конфиденциальность источников” (2018-09-08).
  14. Седлецька оскаржує ухвалу суду про дозвіл на доступ до її телефону (2018-09-13).
  15. Суд зменшив обсяг даних, які Генпрокуратура може отримати з телефону Наталки Седлецької (2018-09-18).
  16. Європейський суд на місяць зобов’язав українську владу утриматися від доступу до даних з телефону Седлецької (2018-09-18).
  17. ЄСПЛ заборонив українській владі доступ до телефону Седлецької «до окремого розпорядження» (2018-10-18).
  18. Апеляційний суд визнав неправомірною відмову Печерського райсуду надати Седлецькій ухвалу про доступ до її телефону (2019-06-27).
  19. Керівниця «Схем» пройде стажування Draper Hills Summer Fellowship у Стенфордському університеті (2019-07-19).
  20. Ведуча ТВі Наталія Седлецька посіла перше місце в конкурсі журналістських розслідувань (2013-02-26).
  21. Наталя Седлецька отримала премію «За професійну етику – 2013» від ГО «Детектор медіа» (2013-09-20).
  22. Премію Олександра Кривенка 2016 року здобула Наталя Седлецька (2016-05-27).
  23. Авторку і ведучу програми «Схеми» Наталку Седлецьку нагороджено премією «Світло справедливості» (2017-12-04).

Сылтамалар[үзгәртү | вики-текстны үзгәртү]