Сәмәт Айбаба

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Сәмәт Айбаба latin yazuında])
Навигациягә күчү Эзләүгә күчү
Сәмәт Айбаба
Samet Aybaba.JPG
Туган 2 сентябрь 1955(1955-09-02)[1] (66 яшь)
Османие, Төркия
Ватандашлыгы Flag of Turkey.svg Төркия
Һөнәре футболчы, футбол тренеры
Спорт такымы әгъзасы Бешикташ (футбол клубы) һәм İskenderunspor 1967[d]

Commons-logo.svg Сәмәт Айбаба Викиҗыентыкта

Сәмәт Айбаба (төр. Samet Aybaba; 1955 елның 2 сентябре, Османие, Төркия) — Төркия футболчысы, соңрак Төркия клубларында футбол тренеры булып эшләгән. Уенчының карьерасын «Бешикташ» клубында үткәргән.

Уенчы карьерасы[үзгәртү | вики-текстны үзгәртү]

Сәмәт Айбаба 1955 елның 2 мартында Төркиянең көньягындагы Османие шәһәрендә туа. Урта диңгез Искендерун порт шәһәреннән «Искендерунспор» клубында футбол карьерасын башлый.

1978 елда Истанбулның «Бешикташ» клубы уенчысы була, анда 11 сезон үткәрә. Команда белән бергә ике тапкыр Төркия чемпионы була (1981/82 һәм 1985/86 сезоннарында), 1986 елда Төркия Суперкубогын ота. 1988 елда Айбаба «Бешикташ» өчен лигада 334 матч уйнап һәм 7 туп кертеп, профессиональ футболчы карьерасын тәмамлый.

Халыкара карьера[үзгәртү | вики-текстны үзгәртү]

Төркия яшүсмерләр җыелма командасы составында Сәмәт Айбаба 1976 елгы УЕФА яшүсмерләр турнирында катнаша, анда команданың барлык өч матчында, Югославия, Польша һәм ГДР җыелма командаларына каршы уйный. Соңыннан Төркиянең яшьләр җыелма командасы өчен берничә матч үткәрә, әмма олылар ил командасы өчен чыгыш ясый алмый.

Тренер карьерасы[үзгәртү | вики-текстны үзгәртү]

Профессиональ футболчы карьерасы тәмамланганнан соң Сәмәт Айбаба үзенең тренерлык карьерасын «Анкарагюдю» клубында башлый (1990—1992). 1992 елның декабрендә Айбаба беренче лигада чыгыш ясаган «Кайсериспор»ны (хәзерге «Кайсери Эрджиесспор») җитәкли. Баш тренер ролендәге беренче матч үз кырында «Фенербахче»дан 0:3 исәбе белән җиңелүе белән тәмамлана[2]. Чемпионат нәтиҗәләре буенча «Кайсериспор» беренче лигада кала һәм 12 нче урынны ала. Киләсе сезон дәвамында Айбаба «Кайсериспор» тренеры вазыйфасында кала.

1994/95 сезонда Айбаба «Адана Демирспор» клубын җитәкли, тик бу вазыйфадан команданың «Кайсериспор»га җиңелүеннән соң (0:2) китә[3]. 1996 елның гыйнварында Айбаба яңадан «Кайсериспор»ны җитәкли, әмма чемпионат нәтиҗәләре буенча аны очып калудан саклап кала алмый.

Айбаба карьерасындагы чираттагы клуб башкаланың «Анкарагуҗю» командасы була. Аның җитәкчелегендә клуб 1997/98 сезонда беренче лигада 13 нче урынны ала.

Казанышлар[үзгәртү | вики-текстны үзгәртү]

Уенчы буларак[үзгәртү | вики-текстны үзгәртү]

Төркия байрагы «Бешикташ»

Баш тренер буларак[үзгәртү | вики-текстны үзгәртү]

Төркия байрагы «Генчлербирлиги»

  • Төркия Кубогы иясе (1): 2000/01

Төркия байрагы «Трабзонспор»

  • Төркия Кубогы иясе (1): 2002/03

Искәрмәләр[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]