37-nçe SSnıñ «Lüttsov» irekle kavaleriä diviziäse

37-nçe SSnıñ «Lüttsov» irekle kavaleriä diviziäse alman. 37. SS-Freiwilligen-Kavallerie-Division "Lützow"
Yıllar	20 fevral — 8 may 1945
İl	Natsist Almaniäse
Tör	kavaleriä
Dislokatsiä	Marxfeld
Şiğär	«Meine Ehre heißt Treue»
Qatnaşu	İkençe bötendönya suğışı

37-nçe SSnıñ «Lüttsov» irekle kavaleriä diviziäse (alman. 37. SS-Freiwilligen-Kavallerie-Division "Lützow") — Vaffen-SS ğäskärläre sostavında kavaleriä diviziäse, İkençe bötendönya suğışı axırında xärbi xäräkätlärdä qatnaşqan.

Tarixı

Formalaştıru

Bu diviziäne formalaştıru 1945 yılnıñ 2 fevralendä iğlan itelgän, ämmä çınlıqta formalaştıruğa 20 fevraldä genä kereşkännär. Diviziä üzeneñ isemen berençe irekle korpuslarnıñ bersen oyıştıruçı Adolf fon Luttsov familiäse buyınça alğan. Diviziä öçen nigez bulıp Budapeştta yuq itelgän SSnıñ 8-nçe häm 22-nçe kavaleriä diviziäläreneñ zapas çastläre häm Pragadağı artilleriä mäktäbe kursantları bulğan. Diviziäne formalaştıru Bratislava rayonında uzğan, anda şulay uq Budapeşttan özeklek waqıtında isän qalğan SS kavaleriäse qaldıqları kilgän. Teoretik räweştä diviziä sostavında öç kavaleriä polkı, artilleriä divizionı häm yärdäm itü çastläre bulırğa tieş. Şäxsi sostav häm waqıt citmäw bu çastka tulı xoquqlı SS diviziäsenä äverelergä mömkinlek birmägän.

Suğış yulı

Mart başında diviziäneñ çastläre Macarstanğa, Komarno rayonına küçerelgän. Macarstandan çigeneştän soñ diviziä ike xärbi törkemgä — «Keytel» häm «Amayzer» — bülengän. Berençe törkem SSnıñ 6-nçı tank armiäsenä buysınğan häm anıñ belän bergä Venanı saqlawda qatnaşqan. İkençe törkem 1945 yılnıñ aprelendä 96-nçı pexota diviziäse yanında eş itkän häm annarı Budveysqa çigengän. Ber törkem amerikalılarğa, ikençese Qızıl Armiägä birelgän.

Suğış xäräkätläre rayonnarı

• Macarstan (fevral — may 1945).

Diviziä komandirları

• Valdemar Fegeläyn (fevral — mart 1945)
• Karl Gezele (mart — may 1945)

Ädäbiät

• Rolf Michaelis: Die Kavallerie-Divisionen der Waffen-SS. Michaelis-Verlag, Berlin 1998, ISBN 3-930849-17-8.
• Georg Tessin. Band 3: Die Landstreitkräfte. Nr. 6-14 // Verbände und Truppen der Deutschen Wehrmacht und Waffen SS im Zweiten Weltkrieg 1939—1945 — 2. — Osnabrück: Biblio Verlag, 1974. — Vol. 3. — 330 p. — ISBN 3-764-80942-6.
• Burkhard Müller-Hillebrand: Das Heer 1933—1945. Entwicklung des organisatorischen Aufbaues. Vol.III: Der Zweifrontenkrieg. Das Heer vom Beginn des Feldzuges gegen die Sowjetunion bis zum Kriegsende. Mittler: Frankfurt am Main 1969, p. 286

Sıltamalar

• 37. SS-Freiwilligen-Kavallerie-Division "Lützow". на zweiter-weltkrieg-lexikon.de. әлеге чыганактан 2013-07-23 архивланды. 2012-08-17 тикшерелгән.(алм.)
• 37. SS-Freiwilligen-Kavallerie-Division. на lexikon-der-wehrmacht.de. әлеге чыганактан 2013-07-23 архивланды. 2012-08-18 тикшерелгән.(алм.)
• 37. SS-Freiwilligen-Kavallerie-Division "Lützow". на balsi.de. әлеге чыганактан 25 грудень 2010 архивланды. 17 серпень 2012 тикшерелгән.(алм.)
• 37. SS-Freiwilligen-Kavallerie-Division Lützow. на axishistory.com. әлеге чыганактан 2013-07-23 архивланды. 2012-08-17 тикшерелгән.(ингл.)
• 37.SS-Freiwilligen-Kavallerie-Division. на feldgrau.com. әлеге чыганактан 2013-08-14 архивланды. 2012-08-17 тикшерелгән.(ингл.)
• 37. SS-Freiwilligen Kavallerie-Division Lützow. на okh.it. әлеге чыганактан 2013-07-23 архивланды. 2012-08-17 тикшерелгән. (италь.)
• 37.SS-Freiwilligen-Kavallerie-Division «Lützow» 10 серпня 2014. (алм.)