Владимир Матюшин

Владимир Матюшин
Владимир Матюшин
Туган	9 июнь 1945 (78 яшь); Алатыр, Чуаш Автономияле Совет Социалистик Республикасы, РСФСР, СССР
Ватандашлыгы	СССР; Россия
Һөнәре	тимер юл транспорты инженеры

Википедиядә Матюшин фамилияле башка кешеләр турында мәкаләләр дә бар.

Владимир Матюшин, Владимир Алексей улы Матюшин (1945 елның 9 июне, ССРБ, РСФСР, ЧАССР, Алатыр) — ССРБ һәм Россия инженеры, техник фәннәр кандидаты (1975). Россия Федерациясе Дәүләт премиясе^[d] лауреаты (2001).

Тәрҗемәи хәле[үзгәртү | вики-текстны үзгәртү]

Алатыр тимер юл техникумын (1963), Мәскәү транспорт инженерлары институтын^[d] (1969), шунда ук аспирантураны (1974) тәмамлаган.

1975 елның февраленнән Мәскәү метрополитенында — «Красная Пресня»^[ru] электродепосында эшләгән.

1977 елда Метро вагонының ышанычлылыгы һәм диагностикасы үзәк лабораториясен оештырган һәм җитәкләгән.

1984 елда Бөтенсоюз тимер юл транспорты фәнни-тикшеренү институтына чакырылган, анда «Метрополитеннар вагоны» лабораториясе мөдире булган. 1987 елдан ул үзе оештырган «Федераль тимер юл транспортында сертификация регистры» белән җитәкчелек итә.

1997 елда 21,5 метр озынлыктагы яңа база вагоны белән 62-233 моделендәге ЭД2Т^[ru] шәһәр яны электропоездын булдыруда һәм җитештерүне үзләштерүдә катнашканы өчен Россия хөкүмәте премиясен алган.

2012 елда «стальләр эшләү, җитештерү технологияләре, инновацион проектлар комплексын кертү һәм яңа буын вагоннары өчен югары эксплуатация ныклыгындагы тимер юл тәгәрмәчләрен күпләп җитештерүне үзләштерү» проектында катнашканы өчен Россия Хөкүмәте премиясен ала.