Zöläyxa (film)

Зөләйха; Zöläyxa
; räsmi DVD tışlığı
Prodüser	"Ramay" studiase
Stsenarist	Kitap; Ğayaz Ísxaqí; Stsenari; Ramil Töxfätullin; Yunıs Safiullin
Uynawçı yoldızlar	İlsiä Töxfätullina Zöläyxa; Ğafur Qayum; Feliks Pantúşin; Ramil Töxfätullin Pótr; Sergey Smirnov; Aleksandr Kuptsov; Şäwqät Biktimer;
Operator	Ämir Zolondinov
Muzıka	Marat Äxmätşin
Distributor	Bars-Media, Tatshop
Dönya kürü	27. dekabr 2004
Möddät	103 Min.
İl	Tatarstan, Räsäy
Tel	Tatarça, Urısça
Büdjet	6 million sumnan artıq
Büläklär	4th Berlin Asia-Pacific Film Festival (2006)

Бу мәкаләнең кирилл әлифбасындагы игезәге бар.

Zöläyxa - tarixi film, Tatar ädäbiäte klassigı Ğayaz İsxaqínıñ "Zöläyxa" piesası buyınça quyıldı. Filmdağı waqıyğalar 19. yöz axırında bara. Süjetnıñ üzägendä ğädi ber tatar xatınınıñ faciğäle yazmış sürätlänä. Yaratqan irennän, balalarınnan ayırıp alıp, köçläp çit dindäge keşegä kiäwğä birelgäç, Zöläyxa yäşäwneñ mäğnäsen yuğaltıp, aqıldan şaşu däräcäsenä citä. Şuña qaramastan, yazmış bersennän berse qatlawlıraq sınawlar quya häm tarix tägärmäçe Zöläyxa kebek bik küplärne faciğäle çorlarğa alıp kerep kitä^[1]^[2]. Eçtälek buyınça kiñäşçelär: Räsäy möftiläre şurası räise Rawil Ğäynetdin, Razil Wäliev häm Tufan Miñnullin^[3]. Piträç, Töläçe, Aqsubay, Çistay, Qazan häm Çuaşstanda kebek törle töbäklärdä töşerelgän bu filmda barlığı 150-dän artıq uyınçı qatnaştı. Kibetlärdä dä satılğan räsmi DVDlarnı Urısça häm İnglizçä subtitraları belän qaraw mömkinçelege dä bar.
25 sentäbr 2003 yılında töşerelä başlagan film ber yıl eçendä tämamlandı häm 27. dekabr 2004 könne premyerası yasaldı^[4]. Büdjetı 6 milyon sumnan artıq bulğan Zöläyxa filmının räsmi täqdime 2 Mart 2006. yıl könne Tatarstan Respublikası massaküläm kommunikasialär "Tatmedia" agentlığında yasaldı^[5].