Беренчеләр хәрәкәте

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Беренчеләр хәрәкәте latin yazuında])
Беренчеләр хәрәкәте
Нигезләнү датасы 18 декабрь 2022[1]
... хөрмәтенә аталган пионерское движение[d]
Дәүләт Flag of Russia.svg Россия
Вакыт мизгеле 19 май 2022[2]
Рәсми веб-сайт будьвдвижении.рф(рус.)

«Беренчеләр хәрәкәте» (рус. Движение первых)[3] – Россиядә балалар-яшүсмерләр хәрәкәте, 2022 елның 18 декабрендә ил хакимияте башлангычы белән яшүсмерләрне тәрбияләү, аларның ялын оештыру һәм «традицион Россия рухи һәм әхлакый максатлары нигезендә» дөньяга карашын формалаштыру өчен оештырылган. [4] Хәрәкәтнең бүлекләре Россиянең һәр муниципалитетында ачылырга тиеш, һәр мәктәптә хәрәкәтнең беренчел ячейкалары булдырылырга мөмкин. Хәрәкәтнең күзәтчелек советын В. Путин үзе җитәкли, хәрәкәт рәисе итеп ул Григорий Гуровны билгеләгән.[5] Хәрәкәт булдыру турындагы закон проекты Дәүләт Думасына В. И. Ленин исемендәге Бөтенсоюз пионер оешмасының 100 еллыгы көнендә кертелгән.[6] Оешмага балаларны алты яшьтән кабул итәчәкләр, һәм аның сафында мәктәп яки көллиятне тәмамланганчы булырга мөмкин булачак.[7]

Тарих[үзгәртү | вики-текстны үзгәртү]

2022 елның 19 маенда, Бөтенсоюз пионер оешмасының 100 еллыгы көнендә, Дәүләт Думасына “Россия балалары һәм яшьләренең «Зур тәнәфес» хәрәкәте гомумроссия хәрәкәтен булдыру турында” карар проекты кертелә. [7] 2022 елның 7 июнендә Дәүләт Думасы әлеге карарны кабул итә. 14 июльдә В. Путин «Россия балалар һәм яшьләр хәрәкәте турында» 261-ФЗ санлы Федераль законга кул куя.

Оешма[үзгәртү | вики-текстны үзгәртү]

Оешма В. Путинның шәхси күзәтүе астында, ул өч даими идарә итү органын: Күзәтчелек советы, Координация советы һәм идарәне турыдан-туры контрольдә тота.[7] Путин идарә рәисен һәм Күзәтчелек советы урынбасарын билгели, үзе Күзәтчелек советын җитәкли. Күзәтчелек советы Координация советын җитәкли һәм төбәкләрдәге идарә рәисләрен билгели.

Оешма әгъзаларын тәрбияләү эше белән чит ил агенты статусына ия булмаган яки педагогик эшчәнлектән читләштерелмәгән затлар шөгыльләнә ала. [8]

Моны да карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

Сылтамалар[үзгәртү | вики-текстны үзгәртү]