Татар-информ

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Татар-информ latin yazuında])
Навигациягә күчү Эзләүгә күчү
Татар-информ
Баш-фатир:

Татарстан Республикасы, Казан, Декабристлар урамы, 2
тел: +7 (843) 222-0-999
Email: info@tatar-inform.ru

Оешма төре:

интернет ММЧ[1]

Рәсми теле:

татар, рус

Җитәкчеләр
генераль директор

Садыйков Шамил

Татар редакциясенең баш редакторы

Латыйпов Рәмис

Татар редакциясенең шеф-редакторы

Исмәгыйлева Алсу

Рус редакциясенең баш редакторы

Олейник Василина Владимир кызы

Рус редакциясенең шеф-редакторы

Закиров Илдар

Нигезләү

1990

татар-информ.рф, tatar-inform.ru, tatar-inform.tatar

Миссия: Татарстан Республикасы турында тулы һәм ышанычлы мәгълүмат чыганагы булу[3]

Оештыручы: ТАССР дәүләт нәшрият комитеты (дәвамчысы — АО Татмедиа)

Гамәлдәге Роскомнадзор таныклыгы: ФС 77 – 67031, 15.09.2016

Татар-информТатарстанның сәяси, социаль-икътисади һәм мәдәни тормышына бәйле хәбәрләр җыючы һәм таратучы мәгълүмат агентлыгы.

Белешмә[үзгәртү | вики-текстны үзгәртү]

«Татар-информ» мәгълүмат агентлыгы 1990 елның 6 июнендә КПССның Татарстан обкомы бюросы карары белән оештырылган. Документны обкомның беренче секретаре Минтимер Шәймиев имзалаган. ТАССР дәүләт нәшрият комитеты һәм «Пойнт» совет-фин уртак ширкәте тарафыннан үз хисабына яшәгән «Татар-информ» мәгълүмат агентлыгы, оештырылган көннән бирле, татар, рус, инглиз телләрендә иҗтимагый, сәяси, икътисади, фәнни, мәдәни мәгълүмат тәкъдим итә. Бөтен дөнья татарлары хакында һәм татарлар өчен тиз арада төгәл мәгълүмат җиткерүче үзәк буларак оешкан агентлык, бер яктан, республикадан читтә яшәүче милләттәшләрне Татарстан белән бәйләүче нәтиҗәле чара буларак, икенче яктан, - Татарстан Республикасының куәтле мәгълүмат чыганагы буларак хезмәт итәр өчен. Агентлык каршында Русия төбәкләре, БДБ илләре һәм чит илләрдә яшәгән татарларга атап чыгарылган атналык «Татар иле» һәм «Татарские края» (русча игезәге) газеталары һәм латин имлясы белән Tatar donyasi электрон газетасы чыгып килгән.

«Татар-информ» агентлыгын төзелгән көннән башлап Үмәр Богдалов, аннары Римма Ратникова, Рәшит Галләмов җитәклиләр. 2005 елда  «Татаринформ» агентлыгына гендиректор итеп журналист Леонид Толчинский билгеләнә.

2016 елда Татар-информда әһәмиятле үзгәрешләр башлана. 26 апрельдә агентлыкның яңа генераль директоры итеп танылган тележурналист Шамил Садыйков билгеләнә. Татар редакциясенең баш рекдакторы булып журналист Рәмис Латыйпов билгеләнә. Әлеге алмашынулар татар редакциясенең эшенә мөһим үзгәрешләр алып килә. Татар телендәге сайт .tatar доменына күчерелә һәм эчтәлек ягыннан шактый үзгәрә. Сайтта даими рәвештә яңа материаллар, комментарийлар, оригиналь хәбәрләр урнаштырыла башлый.

Октябрь аенда агентлыкка моңарчы мөстәкыйль эшләгән intertat.ru һәм sntat.ru интернет-редакцияләр кушыла.

Агентлыкның үз журналистларыннан тыш,  Финляндия, Казахстан, АКШ,  Латвия, Эстония һәм Төркиядә  үз хәбәрчеләре бар.

Бүген «Татар-информ» сайтында көн саен Татарстан шәһәрләре, Мәскәү, Санкт-Петербург, Идел буе, Урал, Себер, БДБ һәм Балтия илләрендә эшли торган хезмәткәрләрдән алынган 70тән артык хәбәр, күренекле сәясәтчеләр, дәүләт һәм җәмәгать эшлеклеләренең агымдагы вакыйгаларга карашлары, татарстанлыларның көнүзәк мәсьәләләргә кагылышлы уй-фикерләре урын ала.

Көн саен «Татар-информ» площадкасында татар һәм рус телендә матбугат конференциялары уза. Һәр матбугат очрашуы онлайн трансляция белән тәэмин ителә.

Агентлыкның татар редакциясе тарафыннан Казандагы мәдәни чаралардан онлайн трансляциялар оештырыла.

Җитәкчелек[үзгәртү | вики-текстны үзгәртү]

Генераль директорлар[үзгәртү | вики-текстны үзгәртү]

Баш мөхәррирләр[үзгәртү | вики-текстны үзгәртү]

Әһәмиятле даталар[үзгәртү | вики-текстны үзгәртү]

  •    5 октябрь 2016 ел — агентлыкка моңарчы мөстәкыйль эшләгән intertat.ru һәм sntat.ru интернет-редакцияләр кушыла.

Сайт аудиториясе[үзгәртү | вики-текстны үзгәртү]

Мәгълүмат агентлыгының генераль директоры сүзләренчә, агентлыкның аудиториясе киңәя. Әгәр 2016 елның апрель аенда "Татар-информ" ны көненә 11 мең кеше укыса, декабрьдә алар саны 33 меңгә җиткән.

2017 елның өченче кварталында «Татар-информ» иң еш телгә алына торган республика гаммәви мәгълүмат чараларының "топ-20леге"н җитәкли, дип белдерә «Медиалогия» компаниясе.

Тикшеренүләр үткәрүче компания исемлекне төзү өчен иң еш телгә алыну индексын алган. Ул – башка гаммәви мәгълүмат чараларында мәгълүмат чыганагына сылтамалар санын исәпкә алучы һәм сылтама ясаган чыганакның абруен исәпкә алучы интеграль күрсәткеч.

2017 елның август нәтиҗәләре буенча “Татар-информ” сайтын 2 млн 94 мең 459 уникаль кулланучы караган. Бу – агентлык тарихында иң яхшы күрсәткеч.

Бәйле ресурслар[үзгәртү | вики-текстны үзгәртү]

Кызыклы фактлар[үзгәртү | вики-текстны үзгәртү]

  •    Мәгълүмат агентлыгы сайты 2016 елда Белем җәүһәрләре бәйгесенең «.tatar домены - җәүһәрләр чыганагы» номинациясендә беренчелекне яулый.
  •    2015 елның 6нче июнендә  “Татар-информ” мәгълүмат агентлыгы 25 еллыгын  билгеләде.

Шулай ук карагыз[үзгәртү | вики-текстны үзгәртү]

Чыганаклар[үзгәртү | вики-текстны үзгәртү]

Тышкы сылтамалар[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]

  1. http://www.tatcenter.ru/enterprises/252/4545/
  2. http://www.tatar-inform.ru/about/who/ (рус.)
  3. http://tatar-inform.ru/upload/mediakit.pdf
  4. РБК: Шамиль Садыков возглавил агентство «Татар-информ» (рус.)
  5. «Реальное время»: Леонид Толчинский: «Татар-информ» было абсолютно убогим агентством, где был один компьютер» (рус.)
  6. tatcenter.ru: Толчинский Леонид Григорьевич (рус.)
  7. tatcenter.ru: Леонид Толчинский назначен генеральным директором ИА "Татар-информ" (рус.)
  8. etatar.ru: Л.Толчинский назначен генеральным директором ИА «Татар-информ» (рус.)
  9. tatcenter.ru: Рашид Галямов назначен генеральным директором ИА "Татар-информ" (рус.)
  10. `Районки` идут в Казань, а `Татар-Информ` в районы (рус.)
  11. «БИЗНЕС Online»: Ратникова Римма Атласовна (рус.)
  12. tatcenter.ru: Ратникова Римма Атласовна (рус.)
  13. http://history-kazan.ru/aktualnaya-tema/yubilej/15979-tatar-inform-eto-brend-operativnosti-i-dostovernosti
  14. Татар энциклопедия сүзлеге: Богдалов Умяр Хамзенович (рус.)
  15. kommersant.ru: У Татарстана появился первый собкор в дальнем зарубежье (рус.)
  16. БОГДАЛОВ, УМАР ХАМЗЕНОВИЧ (рус.)
  17. Главный редактор информации на русском языке ИА «Татар-информ» Ляйсан Абдуллина провела встречу со студентами журфака КФУ (рус.)
  18. Мастер-класс для пресс-секретарей УФАС России провела главный редактор редакции информации на русском языке ИА «Татар-информ» Ляйсан Абдуллина. (рус.)
  19. http://kpfu.ru/lyajsan.abdullina
  20. «БИЗНЕС Online»: «Татар-информ» покидает главный редактор информагентства Ляйсан Абдуллина (рус.)
  21. Элек Life.ru һәм РБК Татарстан мөхәррире буларак хезмәт куйган Василина Олейник'ның Facebook һәм Vk.com хисап язмалары