Гөлназ Асаева

**Гөлназ Асаева**
Гөлназ Асаева
Туган	2 июнь 1998 (25 яшь); Россия, Башкортстан, Уфа
Милләт	татар
Ватандашлыгы	Русия
Һөнәре	җырчы

Википедиядә Асаев фамилияле башка кешеләр турында мәкаләләр дә бар.

Гөлназ Рөстәм кызы Асаева (2 июнь 1998 ел, Башкортстан, Уфа) ― татар һәм башкорт эстрадасы җырчысы.

Биографиясе[үзгәртү | вики-текстны үзгәртү]

Гөлназ 1998 елның 2 июнендә Уфада туа. Бераз соңрак Казанга күчә. Гөлназның әтисе ― Татарстанның һәм Башкортстанның (2021) атказанган артисты Рөстәм Асаев. Гөлназны тәрбияләү белән Башкортстанның халык артисты Ганиев Фәдис Рәхимҗан улы һәм Башкортстанның атказанган артисты Биктимирова Лилия Рафаил кызы шөгыльләнделәр. 2015 елда Гөлназның энесе, уллары Кәрим туа.

14 яшендә Гөлназ үзен җыр иҗатына җитди багышларга булган. Бары тик берничә ел эчендә генә искиткеч вокалы булган кыз гаҗәеп уңышларга ирешә.Ул нигездә татар телендә җырлый, Фәдис Ганиев, Айгөл Закирова, Алинә Гаделшина, Рөстәм Асаев кебек танылган артистлар белән еш кына уртак эшләр барлыкка килә. Гөлназ Асаеваның җырларын яшьләр дә, өлкәннәр дә тыңлый, концертларда заллар һәрвакыт тулы.

Гөлназ Асаева ислам динен тота. Кыз тәмәке тартуга һәм алкоголь куллануга бик тискәре карый, сәламәт яшәү рәвеше алып баруны өстен күрә.

Шәхси тормышы[үзгәртү | вики-текстны үзгәртү]

Бер вакытта матбугатта Гөлназның музыкант Радик Юльякшин (Элвин Грей) белән җитди мөнәсәбәтләре булуы турында сөйләшүләр булды. 2017 елның мартында, соло концертларының берсендә Гөлназ, Элвин Грей кызы янына сәхнәгә менде, зур роз букеты бүләк итте һәм кияүгә чыгу турында җыр җырлады. Шуннан соң журналистлар әзерләнә торган артистларның туйлары турында алдан ук кычкыра башлады. Әмма тиздән Гөлназ бу сүзләрне кире какты һәм аның яшендә кияүгә чыгу турында бер генә дә сүз дә була алмый, дип белдерде.

2020 елның 18 июлендә җырчы Вилли (Вилдан Шәмсетдинов) белән никахы булды^[1].