Вәсимә Хәйруллина

Вәсимә Хәйруллина (тулы исеме Вәсимә Лотфулла кызы Хәйруллина) - татар шагыйре.

1943 елның 28 октябренда Сарман районы Чураш авылында туган.

Карашай-Саклау авылы мәктәбен(1958), Минзәлә педагогия көллиятен(1964), Казан дәүләт педагогия институтын(1969) тәмамлый.

Чураш, Карашай-Саклау мәктәпләрендә укытучы булып эшли. РСФСРның атказанган укытучысы(1991)

1960 еллардан бирле иҗат белән шөгыльләнә, беренче шигырьләре район газетасы, Азат хатын журналында басыла.

Балалар өчен язган унике, олылар өчен өч җыентык: «Тәгәрмәчле яңгыр» (1992), «Чәчәк саен бер кояш»(2001)», «Син бик кирәкле кеше»(2003), «Дуслык таганы»(2005), «Серле сәгать»(2013) һ.б. авторы. Аның сүзләренә күп кенә җырлар язылган.

2003 елдан Татарстан Язучылар берлеге әгъзасы.

Чыганаклар

1. «Мәйдан” журналы (Чаллы): 2013 ел, 10 сан.
2. Сарман районы энциклопедиясе, 2000, 178 бит.