Проксима Кентавр

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Проксима Кентавр latin yazuında])
Навигациягә күчү Эзләүгә күчү
Кояштан соң Җиргә иң якын йолдыз - Проксима Центавра яки Проксима Кентавр
Кояш һәм Риҗел Кентаврга керүче йолдызлар (А, В һәм Проксима) чагыштырмача зурлыклары

Проксима Центавра яки Проксима Кентавр, Иң Якын Кентавр (латинча proxima — иң якын) — Кояштан соң Җиргә иң якын йолдыз, Риҗел Кентавр йолдыз системасында урнашкан кызыл кәрлә.

Параллакс буенча 768,7±0,3 почмакча миллисекунда (Һаббл телескобы).

Иң Якын Кентавр Җирдән 4,22 яктылык елы ералыклыгында урнашкан, бу Кояштан Җиргә кадәрге аралыктын 270 000 зуррак (а.б.).

Почмакча диаметр 1,02±0,08 почмакча миллисекунда тәшкил итә, шуңа күрә аның диаметры Кояшныкыннан 7 тапкыр ким, ләкин Юпитерныкыннан 1,5 тапкыр зуррак. Проксима Кентаврның массасы Кояшныкыннан 7 тапкыр ким, ләкин Юпитерныкыннан 150 тапкыр зуррак.

Күренә торган йолдызча зурлыгы 11m тәшкил итә (бик аз), чөнки Проксима Кентавр - кызыл кәрлә һәм аз кына энергия нурландыра. Шушы кечкенә яктылыклы йолдыз коралсыз күз белән күзәтеп булмый.

Бу йолдыз тик 1915 елда Роберт Иннес тарафыннан ачыла.

Бүтән кызыл кәрләләр кебек Проксима кабына торган үзгәрүчән йолдыз була, кабыну оптик һәм рөнтген диапазонында күзәтелә. Яктырту сәләте 0,15—10 кэВ диапазонында 3,9·1028 - 1,5·1032 эрг/с кысаларында үзгәрә.

Проксима Кентавр Риҗел Кентавр системасының ике бүтән йолдызына кадәр 15 000 ± 700 а.б. (0,21 яктылык елы) ераклыгында урнашкан.

Фаразлавынча Проксима Риҗел Кентавр системасы тирәсендә 500 000 ел периоды белән әйләнә.

Сылтамалар[үзгәртү | вики-текстны үзгәртү]