Yanis Kalnberzinş

**Yanis Kalnberzinş**
Yanis Kalnberzinş
Tulı iseme	Jānis Kalnbērziņš
Tuu datası	5 sentäber 1893
Ülem datası	4 fevral 1986 (92 yäş)

Yanis Kalnberzinş' (1893 yılnıñ 5 (17) sintäbere, Katalkalns vulısı, Riga öyäze, Lifländiä gubernası, Räsäy impiriäse - 1986 yılnıñ 4 fivrale, Riga, Latviä SSR, SSRB) - säwit partiä-däwlät eşleklese, SBKP ÜK äğzası (1952-1971), Latviä kamunislar partiäse üzäk kämititeneñ berençe särkätibe (1940-1959). 1-7 çaqırılışları SSRB Yuğarı şurası diputatı.

Tärcemäi xäle

Eşçe ğailsendä tuğan. 1917 yıldan Räsäy satsiyal-dimakratik eşçelär partiäse ägzası. Latviädä şura xökümäten urnaştıru omtılışları barıp çıqmağaç, äträde belän RSFSR tirituriäsenä çigengän. 1919 yılda qızıl latış uqçıları pulkı saflarında Räsäy watandaşlar suğışınıñ Könyaq fruntında Denikin belän suğışqan. 1923-1925 häm 1928-1929 yıllarda Yu. Marxlevski is. Könbatış milli azçılıqları kamunistik univirsititında, 1931-1933 yıllarda Qızıl Pırafisura institutında belem alğan. 1925–1928 häm 1936–1939 yıllarda Latviädä idänastı eşendä. 1939 yılda pülisä tarafınnan qulğa alına häm ozaq waqıtlı yabıluına xökem itelä. Latviägä säwit ğäslärläre kergäçten törmädän azat itelä. Şul uq yılda Latviä kamunislar partiäse üzäk kämititeneñ berençe särkätibe häm ber ük waqıtta LKP Riga şähär kämititeneñ berençe särkätibe (1951 yılğa qädär eşli) itep bilgelänä. Säwit-alman suğışı waqıtında Tönyaq-Könbatış fruntı xärbi şurası äğzası. 1959 yılda, LatSSRda «milli kamunislar» törkeme tar-mar itelgännän soñ wazıyfadan buşatıla. 1959-1970 yıllarda LSSR Yuğarı şurası prezidiumı räise häm ber ük waqıtta (1960 yıldan) SSRB Yuğarı şurası prezidiumı räise urınbasarı.

1970 yıldan pinsädä.

Büläklär

к б ү LKP ÜK citäkçeläre
	Yanis Kalnberzinş (1940–1959) • Arvids Pelşe (1959–1966) • Awgusts Voss (1966–1984) • Boris Pugo (1984–1988) • Yanis Vagris (1988–1990) • Alfreds Rubiks (1990-1990/1991)