Әхәт Латыйпов
Әхәт Фәсхетдин улы Латыйпов (рус. Латыпов Ахат Фасхутдинович) — (10 февраль 1933 ел) — хуҗалык эшмәкәре, Башкортстан Республикасы Югары Советының экология һәм табигать ресурсларын рациональ куллану буенча комиссия әгъзасы. 1990 елның 11 октябрендә БАССР-ның уникенче чакырылыш Югары Советының өченче сессиясендә Башкортстан Республикасының Дәүләт суверенитеты турында Декларация кабул иткән Башкорт АССР-ының 12че чакырылыш Югары Советы депутаты.
Биографиясе[үзгәртү | вики-текстны үзгәртү]
Әхәт Фәсхетдин улы Латыйпов 1933 елның 10 февралендә Башкорт АССРының Миякә районы Тукай-Гәйнә авылында туган. Милләте буенча татар, урта махсус белемле.
Хезмәт юлын 1953 елда техник училище тәмамлаганнан соң Бәләбәй бораулау конторасында бораулаучы булып башлаган.
1955-1957 елларда Совет Армиясе сафларына чакырыла. Хезмәт итеп кайткач, шул ук конторада бораулаучы булып эшләвен дәвам итә.
1964-1967 елларда — "Башнефтетикшерү" трестының (Ишембай шәһәре) Исәнгол бораулау конторасында бораулаучы булып эшли.
1967 -1969 елларда Һинд Республикасында белгеч буларак техник ярдәм күрсәтү өчен эш сәфәрендә булган.
1969 елдан — «Башнефть» җитештерү берләшмәсенең Бәләбәй бораулау эшләре идарәрәсендә бораулау мастеры. [1]
1990 елда Бәләбәй шәһәре, 74-се Дала сайлау округынан Башкорт АССР-ының 12че чакырылыш Югары Советының халык депутаты итеп сайлана. Башкортстан Югары Советының экология һәм табигать ресурсларын рациональ куллану буенча комиссия әгъзасы. [2]
Мактаулы исемнәре һәм башка бүләкләре[үзгәртү | вики-текстны үзгәртү]
- ССРБ дәүләт премиясе лауреаты
- Кызыл Байрак Хезмәт ордены (1982)
- Хөрмәт Билгесе ордены (1977)
- «Хезмәт батырлыгы өчен» медале
- Бәләбәй шәһәренең Мактаулы гражданы[3]
Искәрмәләр[үзгәртү | вики-текстны үзгәртү]
- ↑ // Парламентаризм в Башкортостане: история и современность. — Т. 2. — Уфа, 2005.УДК 930 ISBN 5-8258-0204-5
- ↑ Народные депутаты Республики Башкортостан. Двенадцатый созыв. — Уфа, Китап, 1994. — с. 34
- ↑ В Белебеевском районе отпраздновали 100-летие Республики Башкортостан
Чыганаклар[үзгәртү | вики-текстны үзгәртү]
- Народные депутаты республикасы Гербы. Двенадцатый созыв. — Уфа, Китап, 1994. — с. 104
