Википедия бәхәсе:Татар Википедиясе теле

Тавыш бирү нигезендә кабул ителгән Википедия:Рус Википедиясе киңәш-кулланмалары тәртибе көчтә калганда, бетерү урынсыз.--frhdkazan (бәхәс) 24 июн 2017, 20:01 (UTC)

Әлеге сәхифә һәм кагыйдәләре тик фикер алышудан соң һәм тавыш бирү нәтиҗәсендә кабул ителә, ә бу Дамир әф. уйлап чыгарган "кагыйдәләр" буенча укуханә сүзе урынында "училище" урыс сүзен мәҗбүри рәвештә куллану тәртибе - бөтенләй канунсыз. Әгәр Википедия:Рус Википедиясе киңәш-кулланмалары шундый проблемалар тудыра икән, аны гамәлдән чыгарга була (Тавыш бирү нәтиҗәсендә).--Kitap (бәхәс) 24 июн 2017, 20:17 (UTC)

Альтернатив юлы — ТатВики'дагы татар теле турында махсус бер кагыйдә кабул итү (Дами әфәнденең русчадан тәрҗемәсен һәм кертелгән аңлатмаларын бозмыйча гына). Ике юлы өчен дә тавыш бирүне оештыру кирәк. Киресенчә, Kitap гамәлдәге тәртипне бозган кеше дип исәпләнә. Ихтирам белән,--frhdkazan (бәхәс) 24 июн 2017, 20:37 (UTC)

Минем тәкъдимем: Википедия:Рус Википедиясе киңәш-кулланмаларына мөһим төзәтмә өстәү:

• ТатВики актив катнашучыларының тик тулы консенсусы булган очракта, Википедия:Рус Википедиясе киңәш-кулланмалары кулланылып була.

Әлеге конкрет очракта консенсус юк, чөнки мин каршы чыгам, уйлавымча мин генә түгел, шуңа күрә Википедия:Рус Википедиясе киңәш-кулланмаларын кулланып булмый һәм ТатВики өчен аерым кагыйдәне эшкәртергә кирәк.--Kitap (бәхәс) 24 июн 2017, 20:44 (UTC)

• • Дамир әфәнде тәрҗемәсен һәм аңлатмаларын кире кайтаргач, тәртипләребезгә тиешле үзгәртүләр кертү процедураларны башлата аласыз. --frhdkazan (бәхәс) 24 июн 2017, 20:51 (UTC)
    • Бу тәрҗемәсе түгел, бу уйлап чыгарылган текст, үзгәртүләрне һәркем кертә ала.--Kitap (бәхәс) 24 июн 2017, 20:56 (UTC)
• Мин русчаны аңлаганымча, бу тәртип нәкъ Википедия:Правила и указания. Пункт 2.2 кагыйдәсенә туры килә. Альтернатив вариантны язу да, тавыш бирүгә дә чыгару мөмкин, ләкин бусын бозмыйча. --frhdkazan (бәхәс) 24 июн 2017, 21:44 (UTC)
  • • Төгәл тәрҗемәсе түгел. Татар теленә карата урыс кагыйдәләрен куллану - лингвистик нонсенс.--Kitap (бәхәс) 25 июн 2017, 11:49 (UTC)
  • Википедия:Татар Википедиясе теле гамәлдәге кагыйдәләр нигезендәге тәртипне тасвирлый, үзгәртү өчен тавыш бирү уздырылмаган, элекке хәлгә кайтардым. Яңа кагыйдә проектын үстерү өчен Википедия:Татар теле битен куллана аласыз. Ихтирам белән, --frhdkazan (бәхәс) 25 июн 2017, 05:47 (UTC)
    • Википедия:Рус Википедиясе киңәш-кулланмалары турында тавыш бирүдә ТатВикинең бүгенге актив булдыручылары бөтенләй катнашмадылар, әлеге проект тиз-тиз итеп һәм яшеренеп кабул ителде, әлеге мантыйксыз проектта консенсус төшенчәсе бөтенләй исәпкә алынмаган. Бу кагыйдә консенсус булмаганда ТатВикигә карата кулланып булмый, ул ТатВики нигезләрен боза. Мин тәкъдим иткән төзәтмәсез Википедия:Рус Википедиясе киңәш-кулланмаларын танымыйм, чөнки ул үзе ТатВики кагыйдәләрен боза.--Kitap (бәхәс) 25 июн 2017, 11:49 (UTC)
• «Мин бу тәртипне танымыйм» диеп беренче кылануыгыз түгел инде бу. Кулланучы:Marat-avgust, бу очракларда сезнең катнашуыгыз булмыйча, бар гамәлдәге админнарны вазыйфаларыннан азат итү кирәк булачак. Тәртип саклауга сайланганнары авыз ябып торган җәмгыятькә караганда, тулысынча анархик шартлар хәерлерәк кебек. --frhdkazan (бәхәс) 25 июн 2017, 12:32 (UTC)
  • • Википедия:Рус Википедиясе киңәш-кулланмалары бозулар белән тәкъдим ителгән, чөнки тавыш бирүдә актив булмаган катнашучылар гына катнашкан. Тавыш бирү процедурасын бозуларга күрә Википедия:Рус Википедиясе киңәш-кулланмалары канунсыз булып санала.--Kitap (бәхәс) 25 июн 2017, 12:38 (UTC)
      • Көлдерәсез, биллахи ;) --frhdkazan (бәхәс) 25 июн 2017, 12:41 (UTC)
    • Бөтенләй юк. Анда процедура бозылган, тавыш бирүдә тик актив - соңгы айда кимендә 30 җитди төзәтмә ясаган кулланучылар катнаша ала, ә анда риза булганнар ТатВикидә ул вакытта, хәзер дә бөтенләй катнашмый. Тавыш бирү процедурасын бозуларга күрә тавыш бирү нәтиҗәләре канунсыз булып санала. --Kitap (бәхәс) 25 июн 2017, 12:52 (UTC)
      • Язганыгыз ялган. Кулланучы кертемен тикшерү җиңел. --frhdkazan (бәхәс) 25 июн 2017, 13:09 (UTC)
        • Ялганмыйча тикшерегез.--Kitap (бәхәс) 25 июн 2017, 13:34 (UTC)
• Kitap әф., татар телле укучы аңламаган сүзләр белән язу, аларны каяндыр эзләп чыгарып Википедиягә кую нинди кагыйдәләрдә язылган? Әйдәгез болай итәбез: бу сүзләр (Русия, бүлге, укуханә, кәмитит, һектар, Һомель һ.б.) татар әдәби, фәнни публицистикасында актив кулланыла башлагач бергәләп Википедиядә үзгәртеп чыгарбыз, бу озак эш түгел.--Damir (бәхәс) 26 июн 2017, 19:19 (UTC)
  • Damir әф., бар кулланылган сүзләр төрле чыганаклар һәм матбугатта бар, мәсәлән Азатлык радиосында (бүлге, укуханә, күзләү һ.б.). Әлеге матбугат - абруйлы чыганак булып санала. Совет заманында татар теленә каршы актив урыслаштыру сәясәте үткәрелгән, һәм күп урыс сүзләре көчләп татар теленә кертелгән, мәсәлән тарихи татар сүзе тамгаханә юкка чыгарылган, ә урыслаштырылган сүз таможня (ул тамга - татар сүзеннән дә килеп чыккан) кертелгән, һәм бүтән урыс алынмалары белән нәкъ шулай булды. Кардәш төрки халыклар бәйсезлеген ирешеп, әлеге алынмалар төрки һәм тарихи сүзләр белән алыштыралар, аеруча казакълар, үзбәкләр, әзәриләр. Округ, училище, ведомство, учреждение - терминологик сүз булмый, алар гади сүзләрдән формалашкан, әлбәттә дифракция, интерференция, генетика сүзләрен тәрҗемә итәргә кирәкми, бу фәнни уникаль терминологик төшенчәләр. Азатлык радиосы лингвистик караштан бик дөрес сәясәтен үткәрә, татар теле - бай, бәйсез тел, аңа урыс "култык таяклары" кирәкми.--Kitap (бәхәс) 27 июн 2017, 19:57 (UTC)

Әгәр кайсыдыр абруйлы чыганакта кулланыла икән, бу сүзләрне аерым очракта мәкалә темасын ачыклар өчен куллану урынлы булыр, ләкин аларны төп сүз итеп, башка мәкаләләрдә куллану ярамый. Татар әдәби теле бар. Рәсми рәвештә реформа узгач бергәләп төзәтербез. Энциклопедия фәнни телдә язылырга тиеш, онытмагыз. Әгәр шулай түгел икән кагыйдәләр белән дәлилләгез, ләкин анганчы кагыйдә бозмагыз. Рус теленнән һәм рус теле аша кергән сүзләрне гарәп, фарсы, төрек сүзләренә алыштыру күз буяудан ары китмидер.--Damir (бәхәс) 28 июн 2017, 01:45 (UTC)

• • • Азатлык радиосы - абруйлы чыганак, күп кенә сүзлекләрдә дә шул сүзләр бар, шуңа күрә дәгъваларыгыз нигезсез. Өстәвеннән, сез һәрвакыт күчерү тәртибен бозасыз, башта фикр алышу бара, аннары гына сәхифә күчерелә. Һәр сугыш солых белән тәмамлана.--Kitap (бәхәс) 30 июн 2017, 20:51 (UTC)

• Әгәр кайсыдыр абруйлы чыганакта кулланыла икән, бу сүзләрне аерым очракта мәкалә темасын ачыклар өчен куллану урынлы булыр, ләкин аларны төп сүз итеп, башка мәкаләләрдә куллану ярамый. Татар әдәби теле бар. Рәсми рәвештә реформа узгач бергәләп төзәтербез. Энциклопедия фәнни телдә язылырга тиеш, онытмагыз.--Damir (бәхәс) 8 июл 2017, 17:38 (UTC)
  • • Шул сүзләр - әдәби теленә керә. Менә укуханә: Сүзлек 1, Сүзлек 2. Бүтән сүзләр дә сүзлекләрдә бар.--Kitap (бәхәс) 8 июл 2017, 22:52 (UTC)