Биләл ибне Рабәх

Wikipedia — ирекле энциклопедия проектыннан
Моңа күчү: навигация, эзләү

Биләл ибне Рабәх әл-Хәбәши (гарәп. بلال بن رباحة الحبشي; ? - һ. 20/641 ел) - Мөхәммәд галәйһисәләмнең билгеле сәхабәсе, аның мөәзине. Иң беренче ислам кабул итүчеләрнең берсе.

Биләл Хәбәшстаннан була. Әтисенең исеме - Рабәх, әнисе - Хамәмә. Биләл корәеш башлыкларының берсе Умәйә бин Хәләфнең колы була. Биләл ислам кабул иткәч, хуҗасы аны бик каты җәберли башлый. Әбу Бәкер аны сатып алып Умәйәдән коткара, һәм иреккә җибәрә.

Биләл башка мөселманнар белән Мәдинәгә һиҗрәт кыла. Ул анда исламның беренче мөәзиненә әйләнә. Бу вазыйфаны аңа пәйгамбәр галәйһиссәләм үзе йөкли. Биләл Мәдинә чорында мөселманнарның барлык сугышларында да катнаша.

Мөхәммәд галәйһиссәләм үлеменнән соң, Әбү Бәкер һәм Гомәр идарә иткән чорда Сүриядә яши, византиялеләргә каршы сугышта катнаша. Кодысны алгач, хәлифә Гомәр белән шәһәргә керә.

Һ. 20 елда Биләл Сүриядә 60 яшендә вафат була.