Simeon Bikbulatoviç

Simeon Bikbulatoviç

Simeon Bikbulatoviç (Urısça: Симеон Бекбулатович; çuqınğançı Sain Bulat xan)(?-1616), Qasím xanı (1568-1573), Äxmäd xan onığınıñ ulı. İvan IV tarafınnan Qasím täxetenä utırtıla. Qasím xanlığı atlı ğäskäre belän Livon Suğışında (1558-1583) qatnaşa. 1573. yılda çuqınıp Simeon isemen ala. 1575. yılda İvan IV anı, "Rusiäneñ Böyek Kenäze" dip atap, waqıtlıça üz urınına idaräçe itep qaldıra. 1576. yılda İvan IV Simeon Bikbulatoviçqa tver belän Torjok şähärläre cirlären udel (bilämä) itep birä, anı "Tverneñ Bäyek Kenäze" dip iğlan itä. Ljedmitri I Mäskäw täxetenä utırğaç (1606) Simeon Bikbulatoviç Stefan isemdä Kirilo-Beloozero monastırına mäcbüri räweştä monaxlıqqa ozatıla.