Валентина Ивашева
| Валентина Ивашева | |
|---|---|
| Туган | 15 гыйнвар 1908 Санкт-Петербург, Россия империясе |
| Үлгән | 16 ноябрь 1991 (83 яшь) Мәскәү, СССР |
| Ватандашлыгы |  СССР |
| Әлма-матер | Санкт-Петербург дәүләт университеты |
| Һөнәре | язучы, әдәби тәнкыйтьче, англист, әдәбият белгече |
| Эш бирүче | Мәскәү дәүләт университетының филология факультеты[d] |
| Гыйльми дәрәҗә: | филология фәннәре докторы[d] |
Валентина Ивашева (2 (15) гыйнвар 1908,Санкт-Петербург — 16 ноябрь 1991, Мәскәү) — рус совет әдәбияты белгече.Мәскәү дәүләт университеты профессоры. ССРБ Язучылар берлеге әгъзасы.
Биографиясе[үзгәртү | вики-текстны үзгәртү]
Ивашева Валентина Васильевна[1] — декабрист Василий Петрович Ивашевның кызы[2], — 1908 елда Санкт-Петербург шәһәрендә туган. 1929 елда Ленинград университетын тәмамлый.
1946 елда М. В. Ломоносов исемендәге Мәскәү дәүләт университеты филология факультетының чит ил әдәбияты тарихы кафедрасына укырга керә. 1937 елда кандидатлык диссертациясе, ә 1955 елда — «Творческое наследие Диккенса» темасына докторлык диссертациясе яклый. 1955 елда профессор булып китә. Аннары В. В. Ивашева башлыча XX гасыр инглиз әдәбияты белән шөгыльләнә; еш кына Бөек Британиягә бара, ул заманда бу сирәк күренеш була, анда күп кенә язучылар менән очраша. Фәнни фантастика белән кызыксына, аның турында күп яза, үзенең аспирантларына (А. Кубаев, Л. Михайлова һәм башкалар) фантастикага кызыксыну уята.
Иҗаты[үзгәртү | вики-текстны үзгәртү]
В. В. Ивашеваның иҗаты инглиз әдәбиятын өйрәнүгә юнәлтелә. Тәнкыйтьче XX гасырның икенче яртысындагы тарихи яңалыкларны һәм аларның әдәбиятта чагылышын анализлый. Ул үзенең китаплары битләрендә Чарльз Сноу, Во Ивлин, Грэм Грин, Уилсон Энгус, Кларк Артур, Мердок Айрис һәм Льюис Норман кебек инглиз мәдәнияте осталарының эзләнүләре һәм казанышлары турында сөйли. Шулай ук инглиз язучыларының Уилсон Колин, Пирс Пол Рид, Сьюзен Хилл һәм Маргарет Дрэббл кебек яңа буын вәкилләре иҗаты белән таныштыра. «На пороге XXI века. НТР и литература» китабында, мәсәлән, агалы-энеле Стругацкийлар, С. Лем, А. Азимов, Дж. Баллард, Р. Брэдбери, И. Варшавский, К. Воннегут, Г. Гор, И. Ефремов, А. Кларк, А. Шалимова, К. Уилсона һәм башкалар кебек авторларның әсәрләре телгә алына яки карала.
Басылып чыккан китаплары[үзгәртү | вики-текстны үзгәртү]
- 1954 — «Творчество Диккенса»;
- 1955 — «История зарубежных литератур XIX века. Т. 1»
- 1958 — «Теккерей-сатирик»
- 1960 — «Английский роман последнего десятилетия (1950—1960)»
- 1967 — «Английская литература XX века»;
- 1971 — «Английские диалоги. Этюды о современных писателях»;
- 1974 — «Английский реалистический роман XIX века в его современном звучании»;
- 1990 — «„Век нынешний и век минувший…“ Английский роман XIX века в его современном звучании» (Издание 2-е, дополненное).
- 1979 — «Что сохраняет время. Литература Великобритании 1945—1977»;
- 1979 — «На пороге XXI века. НТР и литература»;
- 1983 — «Эпистолярные диалоги»
- 1984 — «Литература Великобритании ХХ века»
- 1986 — «Новые черты реализма на Западе»
- 1989 — «Судьбы английских писателей».