Владимир Попков

Владимир Попков
Туган	21 ноябрь 1940(1940-11-21) (81 яшь) Сычевки[d], Сельское поселение Костинское[d], Дмитровский район[d], Мәскәү өлкәсе, РСФСР, СССР

Владимир Попков (21 ноябрь 1940 ел, Сычев авылы, Дмитровск районы, Мәскәү өлкәсе, РСФСР, ССРБ) — совет һәм Русия галим-педагогы, Русия мәгариф академиясе академигы (1999).

Биографиясе

1940 елның 21 ноябрендә Мәскәү өлкәсе Дмитровск районының Сычев авылында туган.

1963 елда И. М. Сеченов исемендәге Беренче Мәскәү медицина институтын тәмамлый.

1967 елда — фармацевтика өлкәсендә кандидатлык, 1983 елда — докторлык диссертацияләрен, 2002 елда педагоглык өлкәсендә «Югары мәктәп укытучысының һөнәри үсешендә кискен фикерләү стиле» темасы докторлык диссертацияләрен яклый.

1984 елда профессор дәрәҗәсе бирелә.

1988 елдан 1989 елга кадәр — даруларны стандартлаштыру һәм контрольда тоту дәүләт фәнни-тикшеренү институты директоры.

1993 елда — әгъза-корреспондент, 1999 елда — Русия мәгариф академиясе академигы итеп сайлана, профессиональ белем бирү бүлегендә тора.

2003-2017 елларда — педагогик белем бирү факультетының төп гыйльми хезмәткәре.

1982 елдан әлеге көнгә кадәр — И. М. Сеченов исемендәге Беренче Мәскәү медицина университетының физик һәм коллоид химиясе кафедрасы мөдире.

Фәнни эшчәнлеге

Фәнни кызыксынулар өлкәсе: мәктәп-югары уку йорты системасында өзлексез химик белем бирү; югары белем дидактикасы; даруларны комплекслы стандартлаштыру һәм аларның сифатын бәяләү принциплары.

Медицина-биологик һәм фармацевтика профиле буенча белгечләрне химик тәрбияләүнең заманча ысулларын һәм формаларын эшләү буенча гыйльми эзләнү алып бара.

Аның җитәкчелегендә фармацевтика, химия, медицина һәм педагогика фәннәре буенча 22 кандидатлык һәм 8 докторлык диссертациясе яклана.

15 патент һәм авторлык танытмасына ия була.

• • • «Вузовское и послевузовское профессиональное образование: критическое осмысление проблем, поиск решений» (соавт., 2002);
    • «Традиции и инновации в высшем профессиональном образовании» (соавт., 2003);
    • «Зонная плавка лекарственных веществ» (2004);
    • учебные пособия «Дидактика высшей школы» (соавт., 2001);
    • «Сборник задач и упражнений по общей химии» (соавт., 2004);
    • «Педагогика высшей школы» (соавт., 2016).

Мактаулы исемнәре һәм башка бүләкләре

• I дәрәҗә «Ватан алдындагы казанышлары өчен» ордены медале (2018)
• II дәрәҗә «Ватан алдындагы казанышлары өчен» ордены медале (1998)
• Русия Федерациясенең атказанган фән эшлеклесе (1996)
• «Владимир Ильич Ленинның тууына 100 ел тулу уңаеннан» медале (1970)
• Русия Федерациясе Президентының мәгариф өлкәсендәге премиясе (1998) — «Химик белем бирү өлкәсендә урта һәм югары мәктәпнең үзара хезмәттәшлегенә яңа карашлар. Концепция һәм практик тормышка ашыру» концепциясе өчен.
• ССРБ-ның халык мәгарифе буенча Дәүләт комитетының «Хезмәттә яхшы уңышлары өчен» билгесе (1989)
• «Мәскәүнең 850 еллыгы истәлегенә» медале (1997)
• К. Д. Ушинский медале (2000)
• Рус православие чиркәвенең II дәрәҗә Изге Сергий Радонежский медале (2001)
• «Русия Федерациясенең мактаулы югары профессиональ белем бирү хезмәткәре» билгесе (2003)
• Русия Мәгариф академиясенең «Фәндәге казанышлар өчен» Алтын медале (2007)
• «И. М. Сеченов исемендәге беренче МДМУ алдындагы казанышлары өчен» медале. M Сеченов" медале

Сылтамалар

• Попков Владимир Андреевич. Российская академия образования. rusacademedu.ru. 2022-5-3 тикшерелгән.
• Попков Владимир Андреевич. Летопись Московского университета. letopis.msu.ru. 2022-5-3 тикшерелгән.
• Попков Владимир Андреевич. fpo.msu.ru. 2022-5-3 тикшерелгән.