Владимир Якушев

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Владимир Якушев latin yazuında])
Навигациягә күчү Эзләүгә күчү
Владимир Якушев
Vladimir Yakushev 2018.jpg
Туган 14 июнь 1968(1968-06-14) (50 яшь)
Нифтикам, Башкортстан, РСФСҖ, ССҖБ
Ватандашлыгы Flag of the Soviet Union.svg ССҖБ
Flag of Russia.svg Русия
Әлма-матер Тюменский государственный университет[d]
Һөнәре икътисадчы
Сәяси фирка Бердәм Русия
Гыйльми дәрәҗә: икътисад фәннәре кандидаты[d]

Commons-logo.svg Владимир Якушев Викиҗыентыкта

Якушев Владимир Владимирович (14 июнь 1968, Башкорт Автономияле Совет Социалистик Җөмһүрияте, Нефтекама) — Русиянең билгеле дәүләт эшмәкәре, 2018 елның 18 маеннан Русия Федерациясенең Төзелеш һәм торак-комуналь хуҗалыгы министр. «Бердәм Русия» сәяси фиркасенең Югары советы әгъзасы. Икътисад фәннәре кандидаты (2005), IV дәрәҗә «Ватан алдындагы хезмәтләре өчен» (2012) ордены кавалеры.

Тормыш юлы һәм хезмәт эшмәкәрлеге[үзгәртү | вики-текстны үзгәртү]

Владимир Владимирович Якушев 1968 елның 14 июнендә Башкорт АССР ының (хәзер Башкортстан) Нефтекама шәһәрендә ерак араларга йөрүче шофер гаиләсендә туган. Җиде яшендә ата-әсәсе белән Ямал-Ненец автономияле округының Надым каласына күченеп килә һәм шунда урта мәктәпне белем ала. 1986 елның 26 июненнән 1988 елның 6 июненә кадәр Совет Армиясе сафында хәрби хезмәттә була һәм запаска кайтарылганнан соң Төмән дәүләт университетына укырга керә. 1993 елда бу уку йортының юридик факультетын «хокук белеме» һөнәре буенча, 1997 елда — тышта торып икътисад факультетын «акча һәм кредит» һөнәре буенча, иктисадчы квалификациясе алып, уңышлы тәмамлап чыга.

Үзаллы хезмәт эшмәкәрлеген 1993 елда Көнбатыш Себер коммерция банкының Ямал-Ненец филиалында юристконсультант булып башлый.

1994 елның 25 июленнән 1995 елның 24 гыйнварына банк филиалы директоры вазифасын башкаручы, шуннан аның директоры булып эшли. 1997 елның 19 маенда «Запсибкомбанк» Ачык акционерлар җәмгыйәтенең Салехард филиалы директоры — банкның вице-президенты итеп тәгаенләнә, 1998 елның 27 апреленнән банкның беренче вице-президенты, 1998 елның 29 апреленнән «Запсибкомбанк» Ачык акционерлар җәмгыяте президенты була.

2001 елның 13 июнендә Төмән өлкәсенең Вице-Губернаторы итеп тәгаенләнә, ул вакыттагы кыр башлыгы, аннары Мәскәү шәһәре мэры итеп тәгаенләнгән Сергей Собянин командасында эшли. 2005 елның март бышында Төмән шәһәре башлыгының беренче урынбасары итеп тәгаенләнә, 21 марттан — башлык вазифасын башкаручы, 14 апрельдән 24 ноябргә кадәр — Төмән шәһәре башлыгы булып эшләп ала һәм Төмән өлкәсенең Губернаторы итеп үрләтелә.

2010 елның 12 октябрендә Русия Федерациясеның ул чактагы Президенты Д. А. Медведев кушуы белән Төмән өлкәсе Думасы тарафыннан чираттагы биш елга мәйдан Губернаторы итеп бер тавыштан раслана. Чираттагы сайлауларга бәйләнешле 2014 елның 17 маеннан Русия Президенты В. В. Путин указына ярашлы Төмән өлкәсе Губернаторы вазифаларын вакытлыча башкара. 2014 елның 14 сентябрендә элекке губернатор сайлауларының беренче турында ук сайлаучыларның 87,3 % тавышын җыя һәм 25 сентябрьдән — яңадан Төмән өлкәсе Губернаторы булып эшмәкәрлеген дәвам итә. Владимир Якушев — Төмән өлкәсе тарихындагы дүртле губернатор.

Мәйдан җитәкчесе сыйфатында Владимир Якушев үзен тик уңай яктан күрсәтеп килә. Бигрәк тә аның җитәкчелегендә төбәктә тормышка ашырылган социаль сәясәт сөземтәләре игтибарга лаек, аны Үзәк Русиядә һәм илнең Кара туфраклы зонасында урнашкан мәйдан җитәкчеләре ныгытып өйрән. Җитәкче шулай ук торак төзү, демография һәм спорт мәсьәләренә еллар барышында күз уңында тотып килә.

Мәйдан җитәкчесе буларак, Владимир Якушев социаль челтәрләрдә үзенең рәсми блогын булдыралар. Губернатор анда үзенең җәмәгатьчелеккә видеомөрәҗәгатьләрен урынлаштыра, халыкны теге яки бу мәсьәләрне тикшерүдә актив катнашырга чакыра.

Югары вазифаларны башкарганда тырыш һәм фидакәр хезмәтләре өчен 2008 елда Кадерле ордены һәм 2012 елда IV дәрәҗә «Ватан алдындагы хезмәтләре өчен» орденнары белән бүләкләнә. Физик культура һәм спортны пропагандалауга һәм үстерүгә керткән шәхси өлеше өчен 2013 елда Русия спорт министрлыгының Николая Озеров миналына лаек була.

Владимир Якушев туган шәһәре Нефтекама белән бәйләнешләрен өзми. 2015 елның 9 апрелендә ул, шәһәрдә нәшер ителгән «Красное знамя» гәзитен 50 еллык юбилее белән котлап, телеграмма җибәрде.

2018 елның 8 маенда Төмән өлкәсе губернаторы вазифасыннан үз теләге белән бушатылды һәм 18 майда Русия Федерациясенең Төзелеш һәм торак-комуналь хуҗалыгы министры итеп тәгаенләнде.

Шулай ук карагыз[үзгәртү | вики-текстны үзгәртү]

Искәрмәләр[үзгәртү | вики-текстны үзгәртү]