Гильермо Аревало

Җенес	ир-ат
Ватандашлык	Перу
Испан исемендәге икенче фамилия	Valera
Туу датасы	3 ноябрь 1952(1952-11-03) (71 яшь)
Туу урыны	Yarinacocha[d], Коронель Портильо[d], Укаяли[d], Перу
Һөнәр төре	дәвалаучы, эшмәкәр

Гилье́рмо Аре́вало Валера ((испан телендә: Guillermo Arévalo Valera) — 1952 елның 3 ноябрендә, Перуда, Яринакочада туган) — курандеро (дәвалаучы шаман), җәмәгать эшлеклесе, Амазонка сельвасының сыйхәтле үләннәре популяризаторы, «Анаконда рухы» (испан телендә: Espíritu de Anaconda) дәвалау үзәгенең агымдагы җитәкчесе, “Амазониянең Медицина практикасын өйрәнү һәм тарату институты”нда (IDIMA) башкарма мөдир һәм Перу сельвасын өйрәнүнең халыкара ассоциациясендә консультант.

Тәрҗемәи хәле

Гильермо Аревало Валера 1952 елның 3 ноябрендә Пукальпа (Перу) астында Яринакоча авылында шипибо-конибо кабиләсе гаиләсендә туган.

1970 — 1972 еллар — Яринакочада «Амазонико» хастаханәсендә (хәзерге вакытта — «Апойо № 2» госпитале) эш.

1972 — 1975 еллар —Geopsical Interncontinental компаниясендә эш. Эшләүчеләренең сәламәтлеген саклауга юнәлгән чаралар оештыру.

1977 — 1981 еллар — традицион индей медицинасын өйрәнү һәм популярлаштыру буенча эш башы.

1991 — 1992 еллар — “Барысы өчен дә сәламәтлек – Гватемала” проектында киңәшче вазыйфасында эш, аннан соң —Аметра 2001 проектында (деревня Малдонадо-Ходай Анасы авылы, Перу) консультант буларак эш.

1993 елдан бирле — «Амазония Медицина практикасын өйрәнү һәм тарату институты»нда (IDIMA) башкарма мөдир. «Перу сельвасын өйрәнүнең халыкара ассоциациясе»ндә (es:Asociación Interétnica de Desarrollo de la Selva Peruana) консультант буларак эш.

Гаиләсе

Әтисе, дон Бенито Аревало Барбаран, шипибо җәмәгатенең дәвалаучысы. Килеп чыгышы —шипибо һәм аймара кабиләләре.

Әнисе, донья Мариа Валера Теко. Килеп чыгышы — Шипибо кабиләсе. Хәзерге вакытта “Анаконда рухы” үзәгендә дәвалаучы булып эшли, чигү, тукыма буенча буяу һәм керамика кергән хатын-кыз сызыгы буенча тапшырыла торган шипибо традициясенең вәкиле булып тора.

Эшчәнлек

Хәзерге вакытта Гильермо Аревало Валера традицион индей медицинасы өлкәсендә эшли. Эшчәнлеге белән туган авылында да, аннан тыш та шаман атын казанган. Шипибо-конибо традициясендә аның исеме — Кестенбетца (испан телендә: Kestenbetsa — Галәм Кайтавазы). Үзенең практикасын курандеро еллык диета-кабул ителүдән башлаган, ул аны Амазонка джунглиенда изоляциядә уздырган. The Amazonian great medicine сайты фикере буенча Гильермо Аревало хәзерге көндә яшәүче экспертлар һәм аяваскеро-шаманнардан дөньяда иң бөекләреннән берсе булып тора. Икитос янында (Перу) «Анаконда рухы» (Espiritu de Anaconda, Anaconda Cosmica) дәвалау үзәгенең җитәкчесе булып тора. Сельваның дару үләннәре турында Амазонка индейләренең традицион белемнәрен тапшырып бөтен дөньядан өйрәнчекләрне кабул итә.

Фильмография

• 2000 Башка дөньялар (Other Worlds) Ян Коунен. Шипибо кабиләсенең курандерос традициясе турында документаль фильмы.
• 2004 Блуберри Ян Коунен. Фильмда карт шаман ролен уйнады.

Библиография

• Arévalo Valera, Guillermo. I(4):7-8 // Medicina traditional: conceptos tradicionales en relación con enfermedades, Causa Indígena. — Lima, 1984.
• Arévalo Valera, Guillermo. El ayahuasca y el curandero shipibo-conibo del Ucayali. — Lima, 1985. — (Amazonía: Shipibo-Conibo N°1).
• Arévalo Valera, Guillermo. XLVI(1):147-151 // El ayahuasca y el curandero shipibo-conibo, América Indígena / Written by a Shipibo scholar and herbalist; see Hansson et al.. — 1986.
• Arévalo Valera, Guillermo. Las plantas medicinales y su beneficio en la salud Shipibo-Conibo. — Lima: Aidesep, 1994.

Сылтамалар

• Икарос (целительная песня) в исполнении Гильермо Аревало