Исмаил Бердиев

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Исмаил Бердиев latin yazuında])
Исмаил Бердиев
Туган телдә исем Исмаил Али улы Бердиев
Туган 27 февраль 1954(1954-02-27) (69 яшь)
СССР, Казакъстан ССР, Сайрам районы, Аксукент
Яшәгән урын Черкесск
Милләт карачай
Ватандашлыгы ССБР байрагы СССР
Россия байрагы РФ
Әлма-матер Мир-Гарәп мәдрәсәсе[d]
Һөнәре мөфти
Балалар ике кызы
Бүләк һәм премияләре Почет ордены - 2016Дуслык ордены (РФ) - 2004 Дуслык ордены (Азәрбайҗан) – 2019 Кадыйров ордены - 2008

 Исмаил Бердиев Викиҗыентыкта

Исмаил Бердиев, Исмаил Али улы Бердиев (карач.-балк. Бердилени Алиини джашы Исмаил-хаджи, 1954 елның 27 феврале, СССР, Казакъстан ССР, Сайрам районы, Аксукент) – мөфти, Карачай-Чиркәс мөселманнарының Диния нәзарәте рәисе, Төньяк Кавказ мөселманнарының координация үзәге рәисе (2003 елдан). Милләте буенча – карачай.

Тәрҗемәи хәле[үзгәртү | вики-текстны үзгәртү]

Россия Федерациясе дәүләт бүләкләрен тапшыру тантанасы. Почет ордены белән мөфти, «Карачай-Чиркәс Республикасы мөселманнарының Диния нәзарәте» оешмасы Президиумы рәисе Исмәгыйль Бердиев бүләкләнә

1954 елның 27 февралендә Казакъстан ССРның Сайрам районы Аксукент авылында туган, анда әти-әнисе, башка карачайлар кебек үк, 1943 елда сөргенгә җибәрелгән (гаиләсе белән 1957 елда туган ягына кайта). Карачай-Чиркәс АССР Малокарачай районы Первомайское авылы урта мәктәбен тәмамлый. Бохарада Мир-Гарәп мәдрәсәсен һәм Ташкентта Ислам институтын тәмамлаган. Каһирәнең Әл-Әзһәр университетында (Мисыр) белем алган.

1989 елда Ставрополь крае мөселманнарының Казыяты рәисе итеп сайлана.

1991 елдан ― Карачай-Чиркәс Республикасы һәм Ставрополь крае мөселманнарының Диния нәзарәте рәисе.

2010 елдан ― Карачай-Чиркәс Республикасы мөселманнарының Диния нәзарәте рәисе (Ставрополь крае мөселманнарының яңа Диния нәзарәте оештырыла).

2003 елда Мәскәүдә узган Төньяк Кавказ мөселманнарының координация үзәге утырышында аның яңа рәисе итеп сайлана.

2004 елдан – Россия Федерациясе Президенты каршындагы Дини берләшмәләр белән хезмәттәшлек советы әгъзасы[1].

2016 елның августында мәҗбүри хатын-кызлар сөннәте турында «шаяртып» әйткән сүзләре Интернетта гауга тудыра[2], шуның өчен антипремиягә лаек була һәм «Ел сексисты» исеме бирелә[3][4].

Гаиләсе[үзгәртү | вики-текстны үзгәртү]

Өйләнгән, ике кызы бар.

Бүләкләре, мактаулы исемнәре[үзгәртү | вики-текстны үзгәртү]

  • 2004 – Дуслык ордены (РФ) – рухи мәдәниятне үстерүдә һәм халыклар арасында дуслыкны ныгытуда күрсәткән хезмәтләре өчен[5]
  • 2016 – Почет ордены (РФ) – рухи һәм мәдәни элемтәләрне үстерүгә зур өлеш кертүе, актив мәгърифәтчелек эшчәнлеге өчен[6]
  • 2019 – Дуслык ордены (Азәрбайҗан) – Азәрбайҗан һәм Россия халыклары арасында дустанә элемтәләрне ныгыту өлкәсендә күпьеллык нәтиҗәле эшчәнлеге өчен[7]
  • 2008 – Кадыйров ордены (Чечня) – Төньяк Кавказ территориясендә дәүләтчелекне үстерү, тынычлык, дуслык һәм конфессияләр арасында хезмәттәшлекне ныгыту, җәмгыятьнең рухи-әхлакый яңарышына ярдәм итүче эшчәнлек өчен[8][9]

Искәрмәләр[үзгәртү | вики-текстны үзгәртү]

  1. Распоряжение Президента Российской Федерации от 7 февраля 2004 года № 47-рп «О Совете по взаимодействию с религиозными объединениями при Президенте Российской Федерации»
  2. «Я пошутил»: муфтий Бердиев окончательно отказался от идеи женского обрезания. Он сделал это после поднявшегося скандала и угрозы уголовного преследования.
  3. Сексист года — 2016
  4. Муфтий Карачаево-Черкесии Исмаил Бердиев стал лауреатом антипремии «Сексист года». Кавказский узел (2017-03-12). 2018-05-04 тикшерелгән.
  5. Указ Президента Российской Федерации от 11 августа 2004 года № 1054 «О награждении государственными наградами Российской Федерации» 2014 елның 10 гыйнвар көнендә архивланган.
  6. Указ Президента Российской Федерации от 15 февраля 2016 года № 59 «О награждении государственными наградами Российской Федерации».
  7. Распоряжение Президента Азербайджанской Республики о награждении И. А. Бердиева орденом «Достлуг» от 28 февраля 2019 года
  8. Кадыров и Бердиев передали друг другу ордена.
  9. Указ Президента Чеченской Республики от 8 января 2008 года № 1 «О награждении орденом Кадырова Бердиева И. А.». әлеге чыганактан 2014-01-10 архивланды. 2014-01-10 тикшерелгән.

Сылтамалар[үзгәртү | вики-текстны үзгәртү]