Лина Соколова

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Лина Соколова latin yazuında])
Навигациягә күчү Эзләүгә күчү
Лина Соколова
Туган 27 декабрь 1940(1940-12-27)
Украина Совет Социалистик Республикасы, СССР
Үлгән 9 май 2003(2003-05-09) (62 яшь)
Мәскәү, Россия
Ватандашлыгы Flag of the Soviet Union.svg СССР
Һөнәре рәссам

Лина Александровна Соколова (1940 елның 27 декабре, Горловка, Донецк өлкәсе, Украин ССР, ССРБ2003 елның 9 мае, Мәскәү, Россия) — совет һәм Россия гобеленчы-рәссамы, ССРБ Сәнгать академиясе академигы (1990), әгъза-корреспондент (1988). И. Е. Репин исемендәге РСФСР Дәүләт премиясе лауреаты (1984). РСФСР атказанган рәссамы (1986). Россия Федерациясенең халык рәссамы (2001).

ССРБ Рәссамнар берлеге (1973) һәм Мәскәү Рәссамнар берлеге (1981) әгъзасы. Идарә секретаре — ССРБ Рәссамнар берлеге (1982—1992), Мәскәү Рәссамнар берлеге (1984—1987), РСФСР Рәссамнар берлеге һәм Россия Рәссамнар берлеге (1987—2003). Россия Сәнгать академиясе Президиумы әгъзасы, РСАның декоратив-гамәли сәнгать бүлеге академик-секретаре (1998—2003).

Тормыш юлы[үзгәртү | вики-текстны үзгәртү]

Лина Соколова 1940 елның 27 декабрендә Донецк өлкәсенең Горловка шәһәрендә туа.

1955—1960 елларда Мәскәү өлкә сәнгать училищесында укый, параллель рәвештә фортепиано классы буенча музыка мәктәбен тәмамлый[1].

1961 елдан 1966 елга кадәр Мәскәү югары сәнгать-сәнәгать училищесында укый, аны тәмамлаганнан соң декоратив сәнгать рәссамы белгечлеге ала. 1966—1987 елларда Лина Соколова РСФСРның гамәли сәнгать фонды Мәскәү комбинатында рәссам булып эшли[2].

1976 елдан башлап декоратив-гамәли сәнгать секция бюросы әгъзасы, 1976 елдан алып 1984 елга кадәр — текстиль секциясе өлеше рәисе һәм 1981 елдан бирле — Мәскәү Рәссамнар берлеге әгъзасы. Лина Соколова Идарә секретаре була — 1984 елдан 1987 елга кадәр Мәскәү Рәссамнар берлеге, 1987—2003 елларда Россия Рәссамнар берлеге һәм 1982—1992 елларда ССРБ Рәссамнар берлеге.

1988 елда Лина Соколова әгъза-корреспондент итеп сайлана, ә 1990 елдан ССРБ Сәнгать академиясенең хакыйкый әгъзасы була.

1997 елдан Соколова — Россия Сәнгать академиясе Президиумы әгъзасы, 1998 елдан 2003 елга кадәр — Россия Сәнгать академиясенең декоратив-гамәли сәнгать бүлеге академик-секретаре.

1984 елда Лина Соколова «Тыныч галәм», «Мәңгелек», «Иртә» гобеленнары өчен И. Е. Репин исемендәге РСФСР Дәүләт премиясе лауреаты була[3]. 1986 елда Соколовага РСФСР атказанган рәссамы[4], 2001 елда — Россия Федерациясенең Халык рәссамы мактаулы исеме бирелә[5].

Лина Соколованың иң танылган әсәрләре арасында: гобеленнар — «Урман» (1967), «Таң» (1970), «Очрашу» (1972), «Төн» (1972), «Музыка» (Югославия илчелеге, Мәскәү шәһәре, 1971), «Хатирә» (1973), «Көз» (Һельсинки шәһәре, Финляндия, 1977), «Бәйрәм» (1977), «Рус көйләре» (1977); пәрдәләр — В. В. Маяковский исемендәге Музейның кино-лекция залы өчен пәрдә (1973), «Кич музыкасы» антракт-ачылмалы пәрдә (1975), «Галәм» Йолдыз шәһәрчеге офицерлары йорты өчен антракт-ачылмалы пәрдә (1977), ССРБ Мәдәният министрлыгы өчен «Сәнгать» пәрдәсе (1983), «Галлей кометасы» (Совет фәне һәм мәдәнияты йорты, Варшава шәһәре, Польша, 1987). Пәрдәләрнең эскизлары — «Синең өчен шатлана», «Тынычлыкның яратылышы», «Мәскәүгә — 850 ел», «Күк җәннәт», «Җырлый торган агач» Мәскәү шәһәрендәге Мәскәү Коткаручы Храмы чиркәү соборлары залы өчен (1995—1999)[2].

2003 елның 9 маенда Мәскәү шәһәрендә вафат була, Алексеевск зиратында җирләнә[6].

Бүләкләр һәм мактаулы исемнәр[үзгәртү | вики-текстны үзгәртү]

  • РСФСР Халык рәссамы (2001 — «сәнгать өлкәсендә зур казанышлары өчен»)
  • РСФСР атказанган рәссамы (1986)
  • И. Е. Репин исемендәге РСФСР Дәүләт премиясе (1984 — «Тыныч галәм», «Мәңгелек», «Иртә» гобеленнары өчен)

Гаилә[үзгәртү | вики-текстны үзгәртү]

  • Әтисе — Саханов Александр Иванович (1914—1988) — РСФСРның Атказанган рәссамы (1962)
  • Әнисе — Егорова Галина Георгиевна (1909)
  • Ире — Соколов Лев Анатольевич (1937) — рәссам, Россия Рәссамнар берлеге әгъзасы
  • Улы — Соколов Андрей Львович (1971) — рәссам

Искәрмәләр[үзгәртү | вики-текстны үзгәртү]

  1. Соколова Лина Александровна
  2. 2,0 2,1 Соколова Лина Александровна. Российская академия художеств.
  3. Постановление Совета Министров РСФСР «О присуждении Государственных премий в области литературы, искусства и архитектуры» / Газета «Советская Россия» от 27.12.1984 г
  4. Указ Президиума Верховного Совета РСФСР от 5 февраля 1986 г
  5. Указ Президента Российской Федерации от 6 июня 2001 года № 656
  6. Соколова Лина Александровна. Где дремлют мёртвые.

Әдәбият[үзгәртү | вики-текстны үзгәртү]

  • Советское декоративное искусство / Акад. художеств. СССР. Союз художников СССР. - Москва: Сов. художник, 1974 г. — 332 с.
  • Изобразительное искусство. Россия. XX век / М.: Центр "СЭИ", 1995 г. — 303 с. — ISBN 5-900702-03-0