Учительская газета
| Учительская газета | |
| Формат |
А2 |
|---|---|
|
| |
| Нәшер итүче |
ЗАО «Издательский дом «Учительская газета» |
| Мөхәрир |
П.Г. Положевец |
| Нигезләнгән |
1924 |
| Тел | |
| Төп офис | |
| Тиражы |
96 000 |
| ISSN | |
|
| |
| Веб-сайт: http://www.ug.ru/
Бүләкләр:  | |
Учительская газета (Укытучылар гәзите) — Россия мәгариф хезмәткәрләренә юнәлгән Мәскәүдә чыгучы атналык басма.
Бу гәзиткә 1924 елда Н.К. Крупскаяның катнашлыгында нигез салына. Ул, ССРБ Мәгариф халык комиссариаты һәм мәгариф, югары мәктәп һәм фәнни учреждениеләр хезмәткәрләре һөнәри берлегенең Үзәк комитеты органы буларак, Мәскәүдә нәшер ителә башлый. Гәзитнең беренче мөхәррире — язучы Сергей Ингулов (1893-1938). Алга таба ул “Новый мир” журналы мөхәррире, “Политбеседы”, “Политграмота” китаплары авторы, СССРның Әдәбият һәм нәшрият буенча баш идарәсе нәчәлниге булып эшли. Анда Совет дәүләтенең күренекле эшлеклеләре А.В. Луначарский, М.И. Калинин, А.С. Макаренко, В.А. Сухомлинский чыгышлары басыла.
Бөек Ватан сугышы вакытында гәзит ел дәвамында Кировта нәшер ителә. Гәзиткә язылудан кергән акчага “Халык укытучысы” танклар колоннасына акча җыела. Сугыштан соңгы елларда “Учительская газета” беренчеләрдән булып В.А. Сухомлинский язмасын бастыра.
Гәзит 1970 елларда атнасына өч тапкыр 1,5 миллион данә белән чыга. 1974 елда Ленин ордены белән бүләкләнә. 1986 елның 19 октябрендә гәзиттә педагог-новаторлар төркеме, шулай ук, публицистлар С.Л. Соловейчик һәм В.Ф. Матвеевның “Хезмәттәшлек педагогикасы” дип аталган мәкаләсе дөнья күрә. Анда, авторитар педагогикадан баш тартып, мәктәпне демократияләштерү һәм гуманлаштыру кирәклеге турында сүз бара.
1986 елның көзеннән 1989 ел ахырына кадәр гәзит совет мәгарифе системасын демократияләштерүчеләрнең трибунасына әверелә. Ул чордагы язмалар яңалык кертүче педагоглар һәм галимнәр (Ш. Амонашвили, В. Караковский, В. Шаталов, Э. Днепров), шулай ук, демократик карашлы журналистлар (С. Соловейчик, Т. Миледина, И. Ханхасаева) тарафыннан языла.
1989 елның 1 гыйнварыннан гәзит КПСС Үзәк Комитеты органы булып исәпләнә башлый. Бу хәл баш мөхәррирнең автоматик рәвештә алмашынуына китерә, В.Ф. Матвеев вазыйфасын Г.М. Селезневка тапшыралар. Ул килү белән редакция позициясе уртача карашлыга әверелә: дәүләт мәгариф структураларын, Педагогия фәннәре академиясен тәнкыйтьләү кими, педагог-новаторлар турында аз языла башлый. Тикшеренүчеләр билгеләвенчә, гәзиткә Селезнев җитәкчелек итә башлагач, басмада торгынлык чоры башлана. Мәсәлән, Эдуард Днепров “Учительская газета” ачыктан-ачык артка чигенә башлады” дип язды. Шулай да, 1989 елда гәзит “СССРның ел укытучысы” дигән Бөтенсоюз конкурсын үткәрү башлангычы белән чыга.
1991 елда ул бәйсез басмага әйләнә. 1992 елдан башлап, атна саен 24 битле гәзит булып чыга башлый. 2010 елда “Учительская газета” басма киңкүләм мәгълүмат чаралары өлкәсендә Россия Федерациясе хөкүмәте премиясенә лаек була.
Ул Россиянең ике мөһим педагогия конкурсын оештыручы булып тора — “Россиянең ел укытучысы” һәм “Россиянең иң яхшы мәктәпләре”.
Чыганаклар
[үзгәртү | вики-текстны үзгәртү]- К.Әхияров. Мәгарифнең асылы үзгәрми 2014 елның 25 октябрь көнендә архивланган.// Кызыл таң. 22 окт. 2014.