Чон Джонгук

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Чон Джонгук latin yazuında])
Навигациягә күчү Эзләүгә күчү
Чон Джонгук
Jungkook for Dispatch "Boy With Luv" MV behind the scene shooting, 15 March 2019 07 (cropped).jpg
Туган 1 сентябрь 1997(1997-09-01)[1] (24 яшь)
Пусан, Көньяк Корея
Ватандашлыгы Flag of South Korea.svg Көньяк Корея
Әлма-матер School of Performing Arts Seoul[d] һәм Global Cyber University[d][2]
Һөнәре җырчы, музыка продюсеры, җырлар автыры
Signature of BTS' Jungkook.svg

Commons-logo.svg Чон Джонгук Викиҗыентыкта

Чон Джонгук (кор. 전정국: 1997 елның 1 сентябре) — Көньяк Корея җырчысы, җырлар авторы һәм музыкаль продюсер. BTS төркеменең баш вокалисты. Корея тавыш яздыру компанияләре ассоциациясе (KOMCA) мәгълүматларына караганда, Джонгук төркем дискографиясендә алты җыр авторы булып тора[3].

Тормыш юлы[үзгәртү | вики-текстны үзгәртү]

Чон Джонгук 1997 елның 1 сентябрендә Көньяк Кореяның Пусан шәһәрендә туган[4]. Ул гаиләдә икенче бала, аның абыйсы бар. Пэкян башлангыч мәктәбенә һәм Пусанда урта мәктәпкә йөри, соңрак Сеулдагы урта мәктәпкә күчә. Башта Джонгук бадминтонда профессиональ уенчы булырга хыялланган, ләкин G-Dragon «Heartbreaker» чыгышын караганнан соң, профессиональ җырчы карьерасы белән кызыксына[5].

2011 елда Чон Тегуда узган «Суперстар К» талантлар тамашасы кастингына бара, һәм финал сайлап алуын узмауга карамастан, җиде музыкаль компаниядән тәкъдимнәр ала, ахыр чиктә, RM’а чыгышын күргәч, Big Hit Entertainment ны сайлап ала[6]. Шул ук елның июнь аенда Джонгук Джо Квонның «I’m Da One» клипында катнаша һәм GLAM хатын-кызлар төркемендә бии[7].

2017 елның февралендә Джонгук югары сәнгать мәктәбен тәмамлый[8].

Карьера[үзгәртү | вики-текстны үзгәртү]

Джонгук 2018 елда

2013 елның 13 июнендә Джонгук BTS төркеменең дүрт вокалчысының берсе, саб-рэпер, төркемнең иң кечкенә катнашучысы һәм йөзе буларак дебют ясый[9]. Төркемдә ул ике җыр — «Begin» һәм «Euphoria» композицияләрен чыгара. «Begin» 2016 елның октябрендә чыгарылган һәм Wings студия альбомының икенчесенә кергән. Җыр тексты Джонгукның Сеулга күчүе һәм төркемдәшләре белән очрашу турында сөйли[10]. «Euphoria» Love Yourself 結 'Answer' өчен фьюче-бейс жанрында язылган, Канада DJ Swivel диджее продюсер булган. Башта җыр «Euphoria: Theme of Love Yourself 起 Wonder» мини-фильмының төп темасы була. Җыр «кайнар йөзлек»тән читтә 105 урында дебют ясый һәм 13 атна дәвамында Gaon цифрлы чартында була[11].

2018 елның октябрендә төркемнең башка катнашучылар белән бергә Корея Республикасы Президентыннан «Мәдәнияттәге казанышлары өчен» орден ала[12].

Джонгук SBS Gayo Daejoon «Boy with Luv» җыры белән чыгыш ясаганда, декабрь 2018 ел

2015 елның сентябрендә Джонгук «Бердәм хыял, бердәм Корея» кампаниясендә катнаша һәм Корея сугышы истәлегенә берничә Корея артисты язган шул исемдәге җырны башкаручыларның берсе була. Беренче тапкыр җыр шул ук елның 15 октябрендә концертта тәкъдим ителә[13].

Чон Джастин Бибер, Адам Левин, Тори Келли, Трой Сиван, Zion.T Рой Ким, Ли Хай кебек популяр башкаручылар җырларына каверлар язуы белән билгеле[14].

2016 елда ул «Чәчәк командасы» һәм «Йолдызлар бромансы» тамашаларында катнаша[15]. Ул шулай ук «Битлектә иң яхшы җырчы» тапшыруында 71 һәм 72 эпизодта пәйда була[16]. KBS Song Festival Джонгук 1997 елда туган башка идоллар белән «I’m Butterfly» җырын башкара[17]. 2018 елда, BTS камбэк-шоуга әзерлек вакытында Mnet телеканалы аңа проектның продюсерларының берсе вазыйфасын тәкъдим итә[18]. Шул ук елның 6 ноябрендә ул Чарли Пут белән бергә MBC Plus X Genie Music Awards та чыгыш ясый, анда «We Don’t Talk Anymore» җырын башкара[19].

Йогынты[үзгәртү | вики-текстны үзгәртү]

2019 елда Джонгук Кореяның Гэллап институты версиясе буенча тамашачыларның иң яраткан өченче айдолы була[20]. Ул бу исемлектә беренче тапкыр 2016 елда барлыкка килә һәм егерменче урында урнаша, ә аннары 2017 һәм 2018 елларда унҗиде һәм сигезенче урыннарны ала[21].

2018 елда Джонгук ун атна дәвамында Hi China журналы рейтингында беренчелекне саклап кала[22]. Октябрь аенда ул V Live трансляциясен уздыра һәм бөтен дөнья буенча 3,7 миллионнан артык тамашачы җыя, бу сервис тарихында рекорд була[23]. Декабрь аенда Джонгук Твиттерда тавыш яздыру студиясеннән видео чыгара һәм твит Кореяда бер ел эчендә иң күп җибәрелә торган видео була[24]. Шул ук елны ул Корея тамашачылары иң яраткан идоллары исемлегенә шактый күтәрелә һәм сигезенче урынны ала[25].

2019 елның гыйнварында Джонгук төркемнең рәсми фан-кафесында Downy фирмасының кием өчен кондиционер куллану турындагы постны бастыра (Россиядә, Япониядә һәм Аурупада ул Lenor буларак билгеле)[26]. Бу компания акцияләренең 11% ка артуына һәм товарның ике айлык бөтен запасы шул вакытта ук сатып алынуына китергән[27].

Искәрмәләр[үзгәртү | вики-текстны үзгәртү]

  1. https://pantheon.world/profile/person/Jungkook
  2. https://www.ajunews.com/view/20190531092509762
  3. Korea Music Copyright Association – Search for the songs, credited to Jungkook (BTS).
  4. K-POP Now!: The Korean Music Revolution (April 29, 2014).
  5. [뮤직와치‘슈스케 통편집→메인 작곡돌’ 방탄 황금막내 정국, 놀라운 성장史] (2018-05-17).
  6. '신양남자쇼' 정국 "7개 소속사 러브콜..랩몬 멋있어 왔다" (February 23, 2017).
  7. Selain Kerja Keras Menjadi Trainee, Berikut Hal-hal yang Dilakukan Member BTS Sebelum Terkenal (June 15, 2018).
  8. [포토 방탄소년단 정국 '드디어 졸업합니다'] (February 7, 2017).
  9. How BTS is changing K-pop for the better (May 12, 2016). әлеге чыганактан 2018-01-02 архивланды.
  10. THE SIGNIFICANCE OF EACH BTS MEMBER HAVING THEIR OWN SOLO SONG ON 'WINGS' (October 14, 2016).
  11. BTS 정국 솔로곡 '유포리아', 최초·최고 기록 이어가다 (November 14, 2018).
  12. '대중문화예술상' BTS, 문화훈장 화관 최연소 수훈...유재석부터 故 김주혁까지 '영광의 얼굴들' (종합) (2018-10-24).
  13. New unification song introduced (September 1, 2015).
  14. Christmas Day by Jimin & Jung Kook (Origin. Justin Bieber — Mistletoe).
  15. 방탄 정국X신화 이민우, '꽃미남 브로맨스' 동반 출연 (2016-06-22).
  16. '복면가왕' 방탄소년단 정국, 펜싱맨이었다…놀라운 실력 충격 반전 (August 14, 2016).
  17. '가요대축제' 정국-지효-정채연 등 가요계 '97라인' 콜라보 (December 29, 2016).
  18. 방탄소년단 Mnet '컴백쇼' 티저 영상도 오픈..'꾹감독 떡밥투척' (2018-05-19).
  19. [TEN PHOTO 찰리 푸스 (Charlie Puth) 'BTS 정국과 역대급 콜라보 기대해주세요'] (November 5, 2018).
  20. 한국갤럽조사연구소.
  21. 한국갤럽조사연구소.
  22. [HI★CHINA 랭킹 이번 주 중국이 사랑한 스타, 방탄소년단(BTS) 정국.뷔.지민.엑소(EXO) 세훈.김수현] (July 17, 2018).
  23. BTS 정국, '베를린 V라이브' 방송 시청 370만명 넘어 "최다 기록" 본문듣기 (October 23, 2018).
  24. Twitter reveals BTS has ‘Golden Tweet’ of 2018 (December 5, 2018).
  25. 2018년 올해를 빛낸 가수와 가요 — 최근 12년간 추이 포함 (2018-12-18).
  26. "'방탄' 정국이 쓴다는 말에 '인기 폭발'한 섬유유연제" (2019-01-22).
  27. So-jeong Kim (2019-01-22). 방탄 정국 "다우니 어도러블 써요"…업체 "두달치 판매량, 하루 만에 품절". The Dong-a Ilbo.

Сылтамалар[үзгәртү | вики-текстны үзгәртү]