Marianna Tsoy

**Maryana Tsoy**
rus. *Марьяна (Марианна) Игоревна Цой*
Maryana Tsoy; rus. Марьяна (Марианна) Игоревна Цой
Hönäre	yazuçı, tärcemäçe, cämäğät eşleklese, muzıkal’ prodüser
Tuu datası	5 mart 1959
Tuu cire	SSRB, RSFSR, Leningrad
Watandaşlığı	SSRB; Rossiä
Ülem datası	27 iyün 2005 (46 yäş)
Ülem cire	Rossiä, Sankt-Peterburg
Ätise	İgor Vadim ulı Kovalöv
Änise	İnna Nikolay qızı Golubeva
İre	Vladimir Rodovanskiy; Viktor Tsoy; Aleksandr Aksönov (faktik nikax)
Balaları	Aleksandr Tsoy

Maryana (Marianna) Tsoy, Maryana (Marianna) İgor qızı Tsoy (rus. Марьяна (Марианна) Игоревна Цой; qız familiäse — Kovalöva (rus. Ковалёва), berençe nikaxında — Rodovanskaya (rus. Родованская); 1959 yılnıñ 5 martı, SSRB, RSFSR, Leningrad — 2005 yılnıñ 27 iyüne, RF, Sankt-Peterburg) — SSRB häm Rossiä yazuçısı, tärcemäçese, cämäğät eşleklese, muzıkal’ prodüserı. Sovet rok-muzıkantı Viktor Tsoynıñ xatını. «Kino» rok-törkeme administratorı, Rikoşet, Sergey Yelgazin häm Aleksandr Zaslavskiy prodüserı bulğan.

Tärcemäi xäle[үзгәртү | вики-текстны үзгәртү]

1959 yılnıñ 5 martında İgor Vadim ulı Kovalöv (1933—2005) häm İnna Nikolay qızı Golubeva (1932—2017) ğailäsendä tuğan^[1].

1984 yılnıñ 4 fevralendä Viktor Tsoyğa kiäwgä çıqqan. Marianna Tsoy «Kino» törkeme administratorı bulğan, prodüserlıq eşçänlege belän şöğellängän, törkem al’bomnarına avtorlıq xoquqlarınıñ 50% iäse bulıp torğan. Anıñ yärdämendä Tsoyğa bağışlanğan berniçä cıyıntıq, şulay uq ikelätä plastinka-tribyut «КИНОпробы» basılıp çıqqan, anda «Kino» cırların populär muzıkantlar başqarğan.

40 yäşendä, 1999 yılda, Sankt-Peterburg universitetınıñ (SPbDU) Könçığış fakul’tetın tämamlağan, yapon telennän küp tärcemä itkän, ingliz telen üzläştergän, räsem sänğäte belän şöğellängän.

Viktor Tsoy turında «Точка отсчёта» isemle kitap yazğan, Aleksandr Jitinskiy belän bergä «Виктор Цой. Стихи, документы, воспоминания» kitabı avtordaşı.

Ğömere soñğı yıllarında Rikoşet, Sergey Yelgazin, Aleksandr Zaslavskiy prodüserı bulğan, Arbatta V. Tsoy häykälen urnaştıru belän şöğellängän.

Mariannağa imçäkkä operatsiä yasağannar, läkin soñraq anıñ mie şeşe tabılğan.

2005 yılnıñ 27 iyünendä Sankt-Peterburg üzägendäge üz fatirında wafat bulğan^[2].

Marianna Tsoynı cirläw 29 iyündä Sankt-Peterburgnıñ Bogoslovskoye ziratında^[3], Viktor Tsoy qäberennän yıraq tügel uzğan.

Şäxsi tormışı[үзгәртү | вики-текстны үзгәртү]

Berençe ire — Vladimir Rodovanskiy. Küp yıllar faktik ire, Peterburg rok-muzıkantı Aleksandr Aksönov belän yaşägän^[4].

İkençe ire — Viktor Tsoy (1984—1990 yıllarda). Soñğı öç yılda alar bergä yäşämäsälär dä, räsmi räweştä ayırılışmağannar.

Ulı — Aleksandr Tsoy, muzıkant, veb-dizayner.

İskärmälär[үзгәртү | вики-текстны үзгәртү]

↑ Ливси Елена (2017-07-23). Умерла теща Виктора Цоя, мама его первой жены Марьяны. 2020-07-14 тикшерелгән.
↑ Умершая Марианна Цой перед погребением пролежала 3 дня дома. әлеге чыганактан 2010-06-18 архивланды. 2011-05-29 тикшерелгән.
↑ Некрополь — Цой Марианна Игоревна
↑ цит. по сайту Могилы знаменитостей

Sıltamalar[үзгәртү | вики-текстны үзгәртү]

Марианна Цой: Я его ни с кем не делила
Марианна Цой: Я никогда не делила Виктора с другой женщиной
Тяжелый рок. Марианну Цой похоронят рядом с Виктором
Могилы знаменитостей: Цой Марианна Игоревна
«Империя Виктор Цой»

[1] Ливси Елена (2017-07-23). Умерла теща Виктора Цоя, мама его первой жены Марьяны. 2020-07-14 тикшерелгән.

[2] Умершая Марианна Цой перед погребением пролежала 3 дня дома. әлеге чыганактан 2010-06-18 архивланды. 2011-05-29 тикшерелгән.

[3] Некрополь — Цой Марианна Игоревна

[4] цит. по сайту Могилы знаменитостей

[1]

[2]

[3]

[4]