Квант халәте

Квант халәте — квант системасы алырга мөмкин булган теләсә кайсы халәт. Саф квант халәте түбәндәгеләр аркылы тасвирланырга мөмкин:

• Дулкын механикасында — дулкын функциясе аркылы,
• Матрица механикасында — халәт векторы, яки билгеле система өчен квант саннарының тулы җыелмасы аркылы.

Бу тасвирламалар математик яктан бердәй. Гомуми очракта квант халәте принципиаль рәвештә дулкынча функция белән тасвирлана алмаска мөмкин һәм ул тыгызлык матрицасы ярдәмендә тасвирланырга тиеш.

Халәт векторлары

Бирелгән квант системасынының мөмкин халәтләрен тасвирлау өчен гильберт пространствосы математик аппараты кулланыла. Ул система белән булырга мөмкин барлык әйберләрне тасвирлауда яраклы.

Бу очракта квант халәтен тасвирлар өчен халәт векторы кулланыла. Ул квант системасын тулысынча тасвирлаучы математик зурлыклардан гыйбарәт. Мәсәлән, 4 санның {$n \$, $\ell \$, $m_\ell \$, $m_s\,\!$} күплеге водород атомында электронның халәтен билгели, алар электронның квант саннары буларак билгеле.

Бра-кет билгеләмәләре

$\psi$ халәтенә туры килүче халәт векторын $\left|\psi\right\rangle$ буларак билгелик. $\psi$ халәтенә бәйләнгән векторны $\left\langle\psi\right|$ дип билгелик. $\left|\psi\right\rangle$ һәм $\left|\phi\right\rangle$ векторларының скаляр тапкырчыгышын $\left\langle\phi|\psi\right\rangle$ буларак билгеләрбез. $\left\langle\psi\right|$ символы бра (инг. bra) дип атала, $\left|\psi\right\rangle$ символы исә — кет дип (инг. ket). Бу билгеләүләр Поль Адриен Морис Дирак тарафыннан кертелә һәм bracket (капка) сүзен ике өлешкә (bra һәм ket) бүлү нәтиҗәсендә барлыкка килә.