Александр Пигалов

Wikipedia — ирекле энциклопедия проектыннан ([http://tt.wikipedia.org.ttcysuttlart1999.aylandirow.tmf.org.ru/wiki/Александр Пигалов latin yazuında])
Навигациягә күчү Эзләүгә күчү
Александр Пигалов

Александр Пигалов (30 август 1936 ел, Горький өлкәсе, Салган авылы — 30 август 2018 ел) — совет табибы, педиатр, медицина фәннәре докторы (1989), профессор (1991), Русия Федерациясенең атказанган табибы (1995)[1].

Биографиясе[үзгәртү | вики-текстны үзгәртү]

1936 елның 30 августында РСФСР-ның Горький өлкәсе Салган авылында туган.

1954 елда Казан дәүләт медицина институтының санитар-гигиена факультетына укырга керә, әмма аны таркату сәбәпле икенче курстан соң педиатрия факультетына күчерелә.

1961 елда диплом алганнан соң, Татар АССРның Куйбышев районы баш педиатры булып эшли. 1964 елда районның баш табибы урынбасары була. Түбән Камада эшләгән вакытында өч тапкыр халык депутатларының кала советы депутаты итеп сайлана һәм сәламәтлек саклау буенча комиссияне җитәкли.

1968 елда Түбән Чулман шәһәренең баш педиатры һәм Түбән Чулман үзәк район хастаханәсенең баш табибы урынбасары итеп билгеләнә. 1975 елда «Йөкле хатын-кызларның һәм яңа туган балаларның специфик булмаган иммунологик реактивлыгы күрсәткечләренә СКИ-3 синтетик изопрен каучук производствосының йогынтысы» темасына диссертацияне уңышлы яклый.

1986 елда педиатрия факультетында декан була һәм укыта башлый, 1991 елда профессор итеп сайлана, 1996 елда Казан медицина университетының поликлиника педиатрия кафедрасы мөдире була. 1988 елда ССРБ Медицина фәннәре академиясе Педиатрия институтының академик советында «Хатын-кызлардан, синтетик каучук җитештерү эшчеләрдән туган балаларның үсүе һәм үсеш үзенчәлекләре» темасына докторлык диссертациясе яклый.

Неонатология, аллергология, йөклелек һәм бала табу барышын өйрәнү, ятим балаларга медицина-социаль ярдәм оештыру буенча егермедән артык укыту-методик кулланма һәм кулланмалар язган. 1990 - 1996 елларда «Педиатрия» белгечлеге буенча махсус советны җитәкли, «Педиатрия» журналының редакция советы әгъзасы була.

2018 елның 30 августа Казанда вафат була[2].


Мактаулы исемнәре һәм бүләкләре


«В. И. Ленинның тууына 100 ел тулу уңаеннан мактаулы хезмәте өчен» медале (1970)

«Сәламәтлек саклау отличнигы» билгесе (1989)

«Русия Федерациясенең атказанган табибы» (1995 ел)

Хезмәтләре[үзгәртү | вики-текстны үзгәртү]

  • Балалар сәламәтлеге торышын бәяләү. Казан, 1999
  • Сабыйлар йортларында ятим һәм ата-ана каравыннан мәхрүм калган балаларга медик-социаль ярдәм оештыру. Казан 2001
  • Балалар һәм үсмерләр сәламәтлеген бәяләү. Казан, 2006
  • Педиатрия участкасында эпидемиягә каршы искәртү эше. Казан, 2006

Искәрмә[үзгәртү | вики-текстны үзгәртү]

  1. Пигалов Александр Петрович - Заслуженный врач Российской Федерации
  2. Умер заслуженный врач РФ Александр Пигалов

Сылтамалар[үзгәртү | вики-текстны үзгәртү]